Տավուշ (գետ)

Անվան այլ կիրառումների համար տե՛ս՝ Տավուշ (այլ կիրառումներ)

Տավուշ, գետ Շամշադինի շրջանում։ Սկիզբ է առնում Միափորի հյուսիս–արևելյան լանջերից, գլխավորապես Ավագա բինի, Դուռնալու վտակներից, Կենաց սարի արևելյան և Աղնջա ու Տավուշ գետերի ջրբաժան լեռնաշղթայի լանջերից հոսող բազմաթիվ առուներից։ Երկարությունը 63 կմ է (ՀՀ-ում 25 կմ), ավազանը՝ 102 կմ²։ Տավուշը, Միափորի ցածրադիր փեշերից մինչև Բերդ քաղաքը հոսում է թավուտ անտառների միջով։

Ջրերը պարզ են ու մաքուր։ Տավուշ գետում բնակվում են կարմրախայտ, բեղլու և այլ տեսակներ։ Գարնան ձնհալից և անձրևներից հորդանում է; Տավուշ գետի վրա կառուցվել է համանուն ջրամբարը (Տավուշի ջրամբար)։ Տավուշը հոսում է տարածաշրջանի կենտրոնական մասով։ Ադրբեջանի Թավուզի շրջանում միանուն է Աղնջա գետին և թափվում Կուր գետը։ Տավուշի օժանդակներն են՝ Հանքաձոր (4,5 կմ), Այծաղբյուր(3,5 կմ) գետակները։

Տավուշը ձախ կողմից ընդունում է Արդամ և Սուտներ ոչ մեծ վտակները։

Ադրբեջանական տարածքում կոչվում է Թովուզչայ։

Տես նաև

• Տավուշի մարզ

Գրականություն

• Լավրենտի Միրզոյան, Տավուշ, Երևան, «Ասողիկ», 2010 — 856 էջ։