Քյազըմ Կարաբեքիր

Քյազիմ Կարաբեքիր
Musa Kâzım Karabekir
հուլիսի 23, 1882 - հունվարի 26, 1948
Ծննդավայր	Օսմանյան կայսրություն, Կոստանդնուպոլիս
Մահվան վայր	Անկարա, Թուրքիա
Գերեզման	Թուրքական պետական գերեզմանատուն
Քաղաքացիություն	Թուրքիա և  Օսմանյան կայսրություն
Զորատեսակ	հետևազոր
Կոչում	գեներալ, փաշա
Մարտեր/ պատերազմներ	Առաջին համաշխարհային պատերազմ
Կրթություն	Օսմանյան ռազմական քոլեջ և Կուլետի ռազմական լիցեյ
Ստորագրություն

Քյազըմ Կարաբեքիր (թուրքերեն՝ Musa Kâzım Karabekir, հուլիսի 23, 1882, Կոստանդնուպոլիս, Օսմանյան կայսրություն - հունվարի 26, 1948, Անկարա, Թուրքիա), թուրք գեներալ, փաշա։

1918-1919 թվականներին եղել է 1-ին, 2-րդ, 15-րդ թուրքական Կովկասյան բանակային կորպուսների հրամանատար, մասնակցել Երզնկայի, Էրզրումի և Կարսի գրավմանը, հետագայում՝ Արևելյան ռազմաճակատի զորքերի հրամանատար։ 1920 թվականի սեպտեմբերին թուրքական զորքերը Կարաբեքիրի գլխավորությամբ ներխուժել են Արևելյան Հայաստան։

Կարաբեքիր հրաժարվել է ճանաչել Հայաստանի հեղկոմը, 1921 թվականի Մոսկովյան պայմանագիրը։ Գլխավորել է թուրքական պատվիրակությունները Ալեքսանդրապոլի (1920 թվական) և Կարսի (1921 թվական) բանակցություններում։ Կարաբեքիրի ցուցումներով Տրապիզոնում սպանվել են Թուրքիայի կոմկուսի ղեկավար գործիչները (1921 թվականի հունվար)։

Օժանդակել է սպիտակ գվարդիականների հակախորհրդային խժդժություններին Թուրքիայի հյուսիս-արևելյան վիլայեթներում։ 1930-1940-ական թվականներին զբաղեցրել է կուսակցական և պետական պաշտոններ։

Ունեցել է ընդգծված հակախորհրդային դիրքորոշում, վարել հակահայկական գիծ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։