Ռուբեն Հայրապետյան

Ռուբեն Ռաֆիկի Հայրապետյան
Ծնվել է	մարտի 09, 1963 (61 տարեկան)
Ծննդավայր	Երևան
Քաղաքացիություն	ԽՍՀՄ և  Հայաստան
Ազգություն	Հայաստան
Կրթություն	Հայաստանի պետական տնտեսագիտական համալսարան
Մասնագիտություն	քաղաքական գործիչ
Աշխատավայր	Հայաստանի ֆուտբոլի ֆեդերացիա
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Ռուբեն Հայրապետյան (մարտի 9, 1963, Երևան, Հայաստան), հայ գործարար, պետական գործիչ, պատգամավոր, Հայաստանի ֆուտբոլի ֆեդերացիայի ներկայիս նախագահ։

Կենսագրական տվյալներ

Ծնվել է 1963 թ. մարտի 9-ին, Երևանում, 1988 ավարտել է Երևանի ժողովրդական տնտեսության ինստիտուտը տնտեսագետի մասնագիտությամբ։ 1983-1985 թթ. ծառայել է Խորհրդային բանակում, աշխատել է տարբեր ընկերություններում։

2003 թվականից եղել է ՀՀ Ազգային ժողովի պատգամավոր, 2012 թ. հուլիսի 3-ին իր «Հարսնաքար» ռեստորանում տեղի ունեցած հայոց բանակի սպա Վահե Ավետյանի մահվան դեպքից հետո հրաժարական է տվել պատգամավորի անդամությունից։

Հայաստանի հանրապետական կուսակցության անդամ է, ամուսնացած է, ունի երեք երեխա։

Աշխատանքներ

• 1980-1982 թթ. Երևանի «Ալմաստ» գործարանում՝ էլեկտրամոնտյոր
• 1985-1988 թթ. Երևանի սննդի թիվ 7 միավորում՝ բանվոր
• 1991-1993 թթ. «Հայծխախոտ» միավորում՝ տնօրենի տեղակալ
• 1996-1999 թթ. Ավանի թաղապետ
• 1998 թ.՝ «Հայծխախոտ» ԲԲԸ նախագահ
• 2002 թ.- ից Հայաստանի ֆուտբոլի ֆեդերացիայի նախագահ
• 2003 թ. - մինչև 2012 թ. ԱԺ պատգամավոր։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ