Հոնիական կղզիներ

Հոնիական կղզիներ (Ίόνιοι νήσοι), կղզիախումբ Հոնիական ծովում, Բալկանյան թերակղզու արևմտյան ափերի մոտ։

Պատկանում է Հունաստանին։ Տարածությունը 2,2հզ. կմ²է։ Կազմված է 5 մեծ և բազմաթիվ փոքր կղզիներից։ Ռելիեֆը լեռնային է։

Բուսածածկույթում տիրապետում է մակվիսը։ Բնակչությունն զբաղվում է ձիթենու և ցիտրուսայինների մշակությամբ, այգեգործությամբ, ոչխարաբուծությամբ և ձկնորսությամբ։Հոնիական կղզիներում են Կերկիրա, Արգոստոլիոն, Զակինթոս քաղաքները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։