Հայաստանի արդարադատության նախարարություն

Հայաստանի արդարադատության նախարարություն
Տեսակ	արդարադատության նախարարություն
Երկիր	Հայաստան
Հապավում	ՀՀ ԱՆ
Ստեղծման թվական	1920
Ենթարկում	ՀՀ Կառավարություն
Շտաբակայան	Երևան, Հայաստան
Կայք	moj.am

Հայաստանի արդարադատության նախարարություն, Հայաստանի Հանրապետության գործադիր իշխանության պետական մարմին։

Պատմություն

1920 թվականին ՀՍՍՀ Հեղկոմի կողմից կազմակերպվում է Արդարադատության ժողովրդական կոմիսարիատը։ Գործել է 1923 թվականի դեկտեմբերի 29-ին ՀՍՍՀ ԿԳԿ նախագահության կողմից ընդունվում է գործունեության կանոնադրությունը։ Կից գործել է դատախազությունը, և արդարադատության ժողկոմը միաժամանակ հանրապետության դատախազն էր։ 1930 թվականի հունվարի 31-ին ժողկոմատը վերացվում է և վերստին ստեղծվում 1933 թվականի հունվարի 5-ին։ Այդ ժամանակամիջոցում արդարադատության ժողկոմատի խնդիրները կատարել են ՀՍՍՀ դատախազությունը և Գերագույն դատարանը։ 1936 թվականին արդարադատության ժողկոմատից անջատվում են դատախազական և քննչական մարմինները, և ժողկոմատը վերակազմվում է որպես Արդարադատության մինիստրություն։ Գործում մինչև 1959 թվականը։ Մինչև 1970 թվականը նրա գործառույթներն իրականացնում են ՀՍՍՀ գերագույն դատարանը և ՀՍՍՀ Մինիստրների սովետին առընթեր իրավաբանական հանձնաժողովը։ ՀՍՍՀ Գերագույն սովետի Նախագահության 1970 թվականի նոյեմբերի 2-ի հրամանագրով ՀՍՍՀ արդարադատության մինիստրությունը, որի խնդիրներն էին՝ դատական, նոտարական, զագսի մարմինների, փաստաբանների կոլեգիայի, իրավախորհրդատուների, գործունեության ղեկավարումը, իրավունքի պրոպագանդման և քաղաքացիների իրավական դաստիարակության գործի մեթոդական ղեկավարությունը, դատական մարմինների գործունեության ընդհանրացումը, մասնակցություն գործող oրենսդրության համակարգմանը։

Ընդհանուր տեղեկատվություն

Նախարար

• Հովհաննես Մանուկյան

Առաջին տեղակալ՝

• Գրիգոր Մուրադյան

Տեղակալներ

• Արսեն Մկրտչյան
• Արման Թաթոյան
• Սուրեն Քրմոյան

Արտաքին հղումներ

• ՀՀ Արդարադատության Նախարարության պաշտոնական կայք

Գրականություն

• Հայկական սովետական հանրագիտարան, Երևան-1976