Քյազըմ Կարաբեքիր

Քյազըմ Կարաբեքիր (1882—1948), թուրքական գեներալ, փաշա: 1918-1919-ին եղել է 1-ին, 2-րդ, 15-րդ թուրքական Կովկասյան բանակային կորպուսների հրամանատար, մասնակցել Երզնկայի, էրզրումի և Կարսի գրավմանը, հետագայում՝ Արևելյան ռազմաճակատի զորքերի հրամանատար: 1920-ի սեպտեմբերին թուրքական զորքերը Կարաբեքիրի գլխավորությամբ ներխուժել են Արևելյան Հայաստան: Կարաբեքիր հրաժարվել է ճանաչել Հայաստանի հեղկոմը, 1921-ի Մոսկովյան պայմանագիրը:Գլխավորել է թուրքական պատվիրակությունները Ալեքսանդրապոլի (1920) և Կարսի (1921) բանակցություններում: Կարաբեքիրի ցուցումներով Տրապիզոնում սպանվել են Թուրքիայի կոմկուսի ղեկավար գործիչները (1921-ի հունվար): Օժանդակել է սպիակգվարդիականների հակախորհրդային խժդժություններին Թուրքիայի հյուսիս-արևելյան վիլայեթներում: 1930—1940-ական թթ. զբաղեցրել է կուսակցական և պետական պաշտոններ: Ունեցել է ընդգծված հակախորհրդային դիրքորոշում, վարել հակահայկական գիծ:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։