Հայաստանի ժողովրդական արտիստ

Հայաստանի Հանրապետության ժողովրդական արտիստի պատվավոր կոչում է շնորհվում թատրոնի, կինոյի, կրկեսի արտիստներին, ռեժիսորներին, կոմպոզիտորներին, դիրիժորներին, բալետմայստերներին, երաժշտական, խմբերգային, պարային և այլ կոլեկտիվների գեղարվեստական ղեկավարներին, երաժիշտ-կատարողներին՝ բարձր վարպետության, աչքի ընկնող բեմական կերպարներ, երաժշտական ստեղծագործություններ, ռադիոբեմադրություններ, կինոֆիլմեր ստեղծելու և արվեստի զարգացման գործում ունեցած մեծ վաստակի համար։

Կոչումը շնորհում է Հայաստանի Հանրապետության Նախագահը։

Հայաստանի Հանրապետության ժողովրդական արտիստներ

Հիմնական հոդված՝ Հայաստանի Հանրապետության ժողովրդական արտիստների ցանկը

• Բորիս Եղիշեի ԳԵՎՈՐԳՅԱՆ - պարուսույց, «Բերդ» պարային անսամբլի գեղարվեստական ղեկավար։ Կոչումը շնորհվել է 2013թ. սեպտեմբերի 16-ին Հայաստանի Հանրապետության անկախության հռչակման 22-րդ տարեդարձի կապակցությամբ, բազմամյա վաստակի և ստեղծագործական նվաճումների համար։
• Լևոն Պարույրի ՄԱԼԽԱՍՅԱՆ - դաշնակահար։ Կոչումը շնորհվել է 2013թ. սեպտեմբերի 16-ին Հայաստանի Հանրապետության անկախության հռչակման 22-րդ տարեդարձի կապակցությամբ, բազմամյա վաստակի և ստեղծագործական նվաճումների համար։
• Հարություն Ռուբենի ԽԱՉԱՏՐՅԱՆ - կինոռեժիսոր, «Կինոյի զարգացման «Ոսկե ծիրան» ՀԿ տնօրեն։ Կոչումը շնորհվել է 2013 թ. հուլիսի 9-ին Հայ կինոարվեստի բնագավառում ունեցած վաստակի համար, ինչպես նաև «Ոսկե ծիրան» երևանյան միջազգային հոբելյանական 10-րդ կինոփառատոնի կապակցությամբ։
• Հասմիկ Արարատի ԼԵՅԼՈՅԱՆ - քանոնահարուհի, Երևանի Կոմիտասի անվան պետական կոնսերվատորիայի դասախոս։ Կոչումը շնորհվել է 2013թ. մայիսի 24-ին Հանրապետության տոնի առթիվ։
• Մելիք Բաբկենի ՄԱՎԻՍԱԿԱԼՅԱՆ - կոմպոզիտոր։ Կոչումը շնորհվել է 2012 թ. սեպտեմբերի 18-ին Հայաստանի Հանրապետության անկախության հռչակման 21-րդ տարեդարձի կապակցությամբ, ինչպես նաև բազմամյա վաստակի և ստեղծագործական նվաճումների համար։
• Ռուդոլֆ Գուրգենի ԽԱՌԱՏՅԱՆ - Երևանի Ալ. Սպենդիարյանի անվան օպերայի և բալետի ազգային ակադեմիական թատրոնի գլխավոր բալետմայստեր։ Կոչումը շնորհվել է 2012 թ. մայիսի 23-ին Հանրապետության տոնի առթիվ։
• Վլադիլեն Ալեքսանդրի ԲԱԼՅԱՆ - կոմպոզիտոր։ Կոչումը շնորհվել է 2011 թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, հայրենի արվեստի և մշակույթի զարգացման գործում ունեցած մեծ վաստակի համար։
• Գեղունի Հովհաննեսի ՉԹՉՅԱՆ - կոմպոզիտոր, Երևանի Կոմիտասի անվան պետական կոնսերվատորիայի պրոֆեսոր։ Կոչումը շնորհվել է 2011թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, հայրենի արվեստի և մշակույթի զարգացման գործում ունեցած մեծ վաստակի համար։
• Նիկոլայ Երվանդի ԾԱՏՈՒՐՅԱՆ - Գյումրու Վ. Աճեմյանի անվան պետական դրամատիկական թատրոնի գեղարվեստական ղեկավար։ Կոչումը շնորհվել է 2011 թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, հայրենի արվեստի և մշակույթի զարգացման գործում ունեցած մեծ վաստակի համար։
• Ֆլորա Արտաշեսի ՄԱՐՏԻՐՈՍՅԱՆ - երգչուհի։ Կոչումը շնորհվել է 2011 թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, հայրենի արվեստի և մշակույթի զարգացման գործում ունեցած մեծ վաստակի համար։
• Թովմաս Գևորգի ՊՈՂՈՍՅԱՆ - «Սայաթ-Նովա» աշուղական երգի համույթի գեղարվեստական ղեկավար։ Կոչումը շնորհվել է 2011 թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, հայրենի արվեստի և մշակույթի զարգացման գործում ունեցած մեծ վաստակի համար։
• Մարտին Ցոլակի ՎԱՐԴԱԶԱՐՅԱՆ - կոմպոզիտոր, Հայաստանի հանրային ռադիոընկերության էստրադային սիմֆոնիկ նվագախմբի կոնցերտմայստեր, դիրիժոր, դաշնակահար։ Կոչումը շնորհվել է 2011թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, հայրենի արվեստի և մշակույթի զարգացման գործում ունեցած մեծ վաստակի համար։
• Հրաչյա Վահագնի ԳԱՍՊԱՐՅԱՆ - Երևանի «Համազգային» պետական թատրոնի բեմադրող ռեժիսոր։ Կոչումը շնորհվել է 2011թ. մայիսի 24-ին Հանրապետության տոնի առթիվ։
• Արթուր ԳՐԻԳՈՐՅԱՆ (Արտաշես Գրիգորի ԳՐԻԳՈՐՅԱՆ) - կոմպոզիտոր, Հայաստանի երգի պետական թատրոնի գեղարվեստական ղեկավար։ Կոչումը շնորհվել է 2011 թ. մայիսի 24-ին Հանրապետության տոնի առթիվ։
• Ազատ Նիկոլի ԳԱՍՊԱՐՅԱՆ - Գ. Սունդուկյանի անվան ազգային ակադեմիական թատրոնի դերասան։ Կոչումը շնորհվել է 2009 թ. սեպտեմբերի 16-ին Հայաստանի Հանրապետության անկախության հռչակման 19-րդ տարեդարձի առթիվ, բարձրարվեստ բեմական գործունեության և բազմամյա վաստակի համար։
• Կարեն Գուրգենի ՋԱՆԻԲԵԿՅԱՆ - Գ. Սունդուկյանի անվան ազգային ակադեմիական թատրոնի դերասան։ Կոչումը շնորհվել է 2009 թ. սեպտեմբերի 16-ին Հայաստանի Հանրապետության անկախության հռչակման 19-րդ տարեդարձի առթիվ, բարձրարվեստ բեմական գործունեության և բազմամյա վաստակի համար։
• Ալբերտ Ռուբենի ԿԻԶԻՐՅԱՆ - “Գեղարդ” պարի համույթի գեղարվեստական ղեկավար։ Կոչումը շնորհվել է Հանրապետության տոնի կապակցությամբ 2010 թ. մայիսի 24-ին։
• Ռոբերտ Արշավիրի ՍԱՀԱԿՅԱՆՑ - ռեժիսոր, մուլտիպլիկատոր։ Կոչումը շնորհվել է Հանրապետության տոնի կապակցությամբ 2008 թ. մայիսի 26-ին