Լեոնիդ Կոգան

Լեոնիդ Կոգան (ռուս.՝ Леонид Борисович Коган, 1924 թ. նոյեմբերի 14 – 1982 թ. նոյեմբերի 17), ռուս ջութակահար։ Նա համարվում էր Սովետական Միության ամենատաղանդավոր ջութակահարներից մեկը՝ Դավիդ Օյստրախի հետ միասին։

Կյանք

Կոգանը ծնվել է հրեական ընտանիքում։ Հայրը լուսանկարիչ էր։ Նրա երաժշտական տաղանդը աչքի է ընկել հենց մանուկ հասակից։ Ծնողները տեղափոխվում են Մոսկվա, որպեսզի Կոգանը կարողանա սովորել Մոսկվայի կոնսերվատորիայում։ 1951 թվականին նա նվաճել է Թագուհի Եղիզաբեթի մրցանակը։ Նվաճել է նաև բազում այլ մրցանակներ։ Դասավանդել է Մոսկվայի կոնսերվատորիայում։ Նրա աշակերտներից են եղել ջութակահարներ Վիկտորիա Մուլլովան, Ալեքսանդր Բրուսիլովսկին, Օլեգ Կագանը և այլոք։

1942 թվականին ամուսնացել է հայտնի ջութակահարուհի Էլիզավետա Գիլլելսի հետ։ Նրանց տղա Պավել Կոգանը ջութակահար և դիրիժոր է, իսկ նրանց աղջիկը դաշնակահարուհի։

Կոմպոզիտոր Ֆրանկո Մաննինոն գրել է կոնցերտ երեք ջութակների համար (Կոգանի, Գիլլելսի և նրանց տղայի համար)։ Նա նվագել է Ստրադիվարիուսի և Գվարներիի ջութակներ։ Կոգանը մահացել է շատ հանկարծակի՝ գնացքի մեջ։ Նա ուղևորվում էր Յարոսլավլ, իր որդու հետ ներկայացում տալու։