Անտոն Քոչինյան

Անտոն Երվանդի Քոչինյան
Ծնվել է	1913 հոկտեմբերի 25
Ծննդավայր	գյուղ Վահագնի
Մահացել է	1990 դեկտեմբերի 1
Մահվան վայր	Երևան
Քաղաքացիություն	ԽՍՀՄ
Կրթություն	Մոսկվայի բարձրագույն կուսակցական դպրոց
Մասնագիտություն	քաղաքական գործիչ
Զբաղեցրած պաշտոններ	Հայաստանի վարչապետ և ԽՍՀՄ գերագույն խորհրդի պատգամավոր
Կուսակցություն	ԽՄԿԿ
Պարգևներ և մրցանակներ	և
Անդամություն	ԽՄԿԿ Կենտրոնական կոմիտե
Anton Kochinyan Վիքիպահեստում

Անտոն Երվանդի Քոչինյան (1913, հոկտեմբերի 25, գյուղ Վահագնի - 1990, դեկտեմբերի 1, Երևան), հայ կուսակցական և պետական գործիչ: Հայաստանի կոմունիստական կուսակցության (ՀԿԿ) կենտկոմի առաջին քարտուղար 1966-1974 թվականներին, ՀԽՍՀ նախարարների խորհրդի նախագահ 1952-1966 թթ.: ԽՄԿԿ անդամ 1938 թվականից:

Կենսագրություն

Ավարտել է Երևանի Կոմունիստական գյուղատնտեսական բարձրագույն դպրոցը (Երևան, 1935), ԽՄԿԿ կենտկոմին կից բարձրագույն կուսակցական դպրոցը (Մոսկվա, 1959)։ 1946 թվականին ընտրվել է ՀԿ(բ)Կ կենտկոմի քարտուղար, 1952 թվականի հունվարին՝ ՀԿ(բ)Կ Երևանի օկրուգային կոմիտեի առաջին քարտուղար։

ԽՍՀՄ (1950-75) և ՀԽՍՀ (1951-75) Գերագույն խորհրդի պատգամավոր։

Քոչինյանը մեծ ներդրում ունի երկրի տնտեսական և մշակութային առաջընթացում։

Նրա պաշտոնավարության ժամանակ սկսեց կառուցվել Արփա-Սևան ջրատարը: Երևանում մետրոպոլիտեն կառուցելու նախաձեռնությունը նույնպես պատկանում է Անտոն Քոչինյանին, որը հետո կյանքի կոչեց Կարեն Դեմիրճյանը: Նրա պաշտոնավարման օրոք է կառուցվել Եղեռնի հուշարձանը։

Անտոն Քոչինյանի ծննդյան 100-ամյակի հոբելյանական միջոցառումների շրջանակում Երևանի քաղաքապետ Տարոն Մարգարյանի նախաձեռնությամբ 2013 թվականի հոկտեմբերի 25-ին` Երևանի Քոչինյանի անվան փողոցում տեղադրվեց պետական, կուսակցական գործչի կիսանդրին:

Պատկերասրահ

• 
  Անտոն Քոչինյանի կիսանդրի (Երևան)