Երգող կեռնեխ

Երգող կեռնեխ

* Բնադրումը` դեղին;
* Ձմեռումը` կապույտ;
* Կլոր տարին` կանաչ

Բույնը ձվերով

Ձագերին կերակրելիս:

Երգող կեռնեխ (լատին․՝ Turdus philomelos), կեռնեխների ընտանիքի պատկանող թռչուն։

Նկարագրությունը

Երգող կեռնեխի մարմնի վերին մասը ձիթապտղագույն է, թևերի թափահարող փետուրները մուգ դարչնագույն են, մարմնի ստորին մասը սպիտակ է` շիկավուն երանգով կլոր պտերով։ Պտերը որովայնի հատվածում նոսր են և գունաթափված, կտուցը մոխրասև է։ Ոտքերը դեղին են։ Զգալիորեն փոքր է մյուս կեռնեխներից։ Քաշը` 57-77 գ, թևի երկարությունը` 109-120 մմ, բացվածքը` 340-350 մմ:

Դասակարգումը

Թագավորությունը`	Կենդանիներ
Դասը`	Թռչուններ
Կարգը`	Ճնճղուկազգիներ
Ընտանիքը`	Կեռնեխազգիներ
Ցեղը`	Կեռնեխներ
Տեսակը`	Երգող կեռնեխ

Կենսակերպը

ՀՀ-ում բնադրվող, չվող թռչուն է։ Գարնանը վերադառնում է ապրիլ ամսին։ Բնակության համար նախապատվություն է տալիս անտառների թփուտավոր հատվածներին, հաճույքով բնակվում է նաև կաղնու և բոխու անտառներում։ Սնվում է հիմնականում միջատներով, ձմռանը` նաև հատապտուղներով։

Երգելը

Երգում է շատ գեղեցիկ, անշտապ, զրնգուն եւ երկարատեւ: Արձակում է սուլոցներ: Երբեմն նմանակում է այլ թռչունների որոշ ձայներ: Սովորաբար երգում են ծառերի կատարներին նստած, համարյա ամբողջ ցերեկը, սակայն առավել ակտիվ են առավոտյան եւ երեկոյան: Երգում են մինչեւ բնակալման ավարտը: Հունիսի սկզբում երգում են սովորականից մի քիչ պակաս չափով, սակայն, հետո նախկին ակտիվությունը վերականգնվում է: Երգելը դադարեցնում են հուլիսի սկզբում:

Բազմացումը

Բույնը սարքում է չոր խոտերից` ծառերի ճյուղերին կամ թփերի վրա, բնի ներսը սվաղում է ցեխով։ Մայիս ամսին դնում է 4-7 երկնագույն, սև պտիկներով ձու, հաճախ տալիս է երկու սերունդ։

Տարածվածությունը

Տարածված է Եվրոպայում, Փոքր Ասիայում, Իրանի հյուսիսում, Պեչորա և Օբ գետերի ավազաններում, Ալթայում, Մոլդովայում, Դոնի ստորին հոսանքներում, Ղրիմում, Կովկասում։

Երգասեր կեռնեխի պատկերը որպես տարբերանշան

Անգլիայի Փրեմյեր լիգայում հանդես եկող Ուեսթ Բրոմուիչ Էլբիըն թիմի տարբերանշանին պատկերված է երգասեր կեռնեխ:

Ó³ËÇó