Լեմվել Վալեսյան

Լեմվել Վալեսյան
Ծնվել է	1929 ապրիլի 30
Ծննդավայր	ՀԽՍՀ
Մահացել է	հոկտեմբերի 15, 2009(2009-10-15) (80 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան (1952) և Աշխարհագրության ինստիտուտ
Կոչում	պրոֆեսոր
Գիտական աստիճան	աշխարհագրական գիտությունների դոկտոր (1986)
Մասնագիտություն	աշխարհագրագետ և դասախոս
Աշխատավայր	ՀՀ ԳԱԱ Երկրաբանական գիտությունների ինստիտուտ, Հայկական պետական մանկավարժական համալսարան և ՀՀ ԳԱԱ Միքայել Քոթանյանի անվան տնտեսագիտության ինստիտուտ
Զբաղեցրած պաշտոններ	ռեկտոր
Անդամություն	Ռուսաստանի կրթության ակադեմիա, Հայկական աշխարհագրական ընկերություն և Միջազգային աշխարհագրական միություն
Երեխաներ	Արմեն Վալեսյան

Լեմվել Վալեսյան , 1929, հայ հայտնի աշխարհագետ,աշխարհագրական գիտությունների դոկտոր(1986թ.),պրոֆեսոր(1972թ.), ԽՍՀՄ մանկավարժական գիտությունների ակադեմիայի թղթակից անդամ(1985թ.), Ռուսաստանի կրթության ակադեմիայի ակադեմիկոս(1985թ.), ԵՊՀ սոցիալ-տնտեսական աշխարհագրության ամբիոնի պատվավոր պրոֆեսոր: Ծնվել է 1929թ.: Ավարտել է Երևանի պետական համալսարանը(1952թ.), ԽՍՀՄ ԳԱ աշխարհագրության ինստիտուտի ասպիրանտուրան։ Աշխատել է ՀՀ ԳԱ երկրաբանության և տնտեսագիտության ինստիտուտներում, 1979-87թթ. ժամանակահատվածում եղել է Հայկական պետական մանկավարժական համալսարանի ռեկտոր: 1975 թվականից եղել է Հայկական աշխարհագրական ընկերության, իսկ 1996 թվականից` Միջազգային Աշխարհագրական Միության Հայկական կոմիտեյի նախագահ։ Հեղինակ է 330 գիտական աշխատությունների, այդ թվում 32 մենագրությունների, աշխարհագրական ատլասների, դասագրքերի։ Վալեսյանի աշխատությունները վերաբերում են աշխարհագրության տեսության ու մեթոդաբանության, հասարակության տարածքային կազմակերպման, համալիր երկրագրության, երկրաբնապահպանության, քաղաքական աշխարհագրության, ատլասային և թեմատիկ քարտեզագրության խնդիրներին։