Ուրբաթ

Ուոլթեր Սադլերի «Ուրբաթ» նկարը« 1883թ.

Ուրբաթ, շաբաթվա հինգերորդ օրը (եկեղեցական տոմարով՝ վեցերորդը), ընկնում է հինգշաբթի և շաբաթ օրերի միջև։

Բառի ծագումը

«Ուրբաթ» բառը փոխառություն է հին ասորերենից (արամեերենից), որտեղ aruwatha բառը «ուրբաթ» իմաստից բացի, նշանակում է նաև «պատրաստություն»։ Սա, իր հերթին, եբրայերեն բառ է, իմաստով՝ հրեական շաբաթ հանգստյան օրին նախորդող, «նախապատրաստության» օր։ Հայերեն բառի արտասանության ձևը գոյացել է որպես հնչյունահամապատասխանություն՝ «շաբաթ» բառին։

Հին հռոմեացիների մոտ ուրբաթ օրը նվիրված էր Վեներային:

Անունը այլ լեզուներում

Ռոմանական լեզուներում (բացառությամբ` պորտուգալերենի) ուրբաթ օրվա անունը սերում է լատիներեն dies Veneris` «Վեներայի օր» արտահայտությունից. ֆրանսերեն` vendredi, իտալերեն` venerdì, իսպաներեն` viernes, կատալոներեն` divendres, կորսիկաներեն` vennari, ռումիներեն` vineri:

Ուրբաթը ասույթներում

Տարածված արտահայտություն է` «Ուրբաթը շաբաթից շուտ եկավ»: Ասվում է այն դեպքում, երբ կատարվում է այն, ինչը որ պետք է կատարվեր:

Բառակազմություն

Քչախոս մարդուն նաեւ ասում են` ուրբաթախոս:
Հայերեն առաջին տպագիր գրքի անունն է` Ուրբաթագիրք:

Ուշագրավ փաստ

Ուրբաթ անունն էր կրում Դանիել Դեֆոյի «Ռոբինզոն Կրուզո» վեպի գործող անձանցից մեկը:

Կրճատ ձեւը

• Հայերենում` Ուբ ,
  
• Անգլերենում` Fri :