Ֆրեյդուն Աղալյան

Ֆրեյդուն Աղալյան Ֆրեյդուն Հակոբի Աղալյան
Դիմանկար
Ծնվել է	նոյեմբերի 20, 1876
Ծննդավայր	Շուշի
Մահացել է	փետրվարի 1, 1944
Մահվան վայր	Երևան
Գերեզման	Թոխմախի գերեզմանատուն
Քաղաքացիություն	Ռուսական կայսրություն և  ԽՍՀՄ
Ազգություն	հայ
Կրթություն	Շուշիի ռեալական ուսումնարան և Սանկտ Պետերբուրգի ճարտարապետության և քաղաքացիական ճարտարագիտության պետական համալսարան
Երկեր	Հիդրոէլեկտրակայանի շենք. Քանաքեռի Հ. Տեր-Աստվածատրյանի անվան Հէկ-ը
Մասնագիտություն	ճարտարապետ և դասախոս
Աշխատավայր	Ադրբեջանի տեխնիկական համալսարան, Երևանի պետական համալսարան և ՀԱՊՀ
Երեխաներ	Արմեն Աղալյան
Freidun Aghalyan Վիքիպահեստում

Ֆրեյդուն Հակոբի Աղալյան (1876, նոյեմբերի 20, Շուշի - 1944, փետրվարի 1, Երևան), հայ ճարտարապետ, ճարտարապետ Արմեն Աղալյանի հայրը։

Ծնվել է Շուշիում։ Ավարտել է Շուշիի Ռեալական ուսումնարանը և քաղաքացիական ինժեներների Կայսերական ինստիտուտի ճարտարապետական բաժանմունքը Սանկտ-Պետերբուրգում (1903)։ 1903-21-ին աշխատել է Բաքվում և այլ քաղաքներում, 1921-ից` Երևանում։ 1930-37-ին Քանաքեռշինի ճարտարապետական բաժնի վարիչ։

Նրա նախագծերով Բաքվում կառուցվել են բնակելի թաղամաս, երկաթուղային ուղեկամուրջներ, գանձատունն ու հարկային պալատը, Բանվորական տունը, Գրոզնիում` բնակելի տներ, երկաթբետոնե կամուրջ Սունժա գետի վրա, Արմավիրում` հայկական եկեղեցի, Կիսլովոդսկում` ամառանոցներ, Ղզլարում` հիվանդանոց և ամբուլատորիա, Երևանում` Քանաքեռի ՋԷԿ-ի վարչական և բնակելի շենքեր, Հայջրտնտեսության նախարարության բնակելի շենքը, Քեթրանի (այժմ` գյուղ Գետամեջ` ՀՀ Կոտայքի մարզում) ջրանցույցը։ Դասավանդել է Բաքվի (1917-21) և Երևանի (1922-37) ուսումնական հաստատություններում։