Էկտոր Բեռլիոզ

Հեկտոր Բեռլիոզ Hector Berlioz
(կոմպոզիտոր)
Ծնվել է	11 դեկտեմբեր , 1803
Ծննդավայր	Կոտ-Սենտ-Անդրե (Իզեր) (Ֆրանսիա)
Մահացել է	8 մարտ , 1869
Մահվան վայր	Փարիզ
Գերեզման	Մոնմարտր գերեզմանատուն
Քաղաքացիություն	Ֆրանսիա
Կրոն	աթեիզմ
Կրթություն	Փարիզի կոնսերվատորիա
Երկեր	Ռեքվիեմ, Roméo et Juliette?, Ֆանտաստիկ սիմֆոնիա, Ֆաուստի նզովքը, Տրոյացիներ, Le carnaval romain? և Les Nuits d'Été?
Մասնագիտություն	լրագրող, դիրիժոր, գրող, ինքնակենսագիր, երաժշտական քննադատ, լիբրետիստ, վիրտուոզ, գրադարանավար և կոմպոզիտոր
Ամուսին	Harriet Smithson?
Ծնողներ	հայր՝ Լուի Բեռլիոզ
Պարգևներ և մրցանակներ	և Հռոմեական մրցանակ
Անդամություն	Շվեդիայի թագավորական երաժշտական ակադեմիա և Գեղեցիկ արվեստների ակադեմիա
Երեխաներ	Louis Berlioz?
Կայք	hberlioz.com
Ստորագրություն
Hector Berlioz Վիքիպահեստում

Հեկտոր Լուի Բեռլիոզ (ֆրանսերեն՝ Hector Berlioz) (1803թ. դեկտեմբերի 11 — 1869թ. մարտի 8), ֆրանսիացի երգահան, դիրիժոր, երաժշտագետ, երաժշտական քննադատ:

Կենսագրությունը

Ծնվել է Ֆրանսիայի հարավ-արևմտյան Կոտ Սենտ-Անդրե (Իզեր) բնակավայրում, բժշկի ընտանիքում։ Սկզբում ուսանում է բժշկություն, սակայն շուտով որոշում է նվիրել իրեն երաժշտությանը։ 1825թ. տեղի է ունենում Բեռլիոզի գրած երաժշտության առաջին հանրային կատարումը, 1826—1830թթ. սովորում է Փարիզի երաժշտանոցում, սկսած 1828թ. հանդես է գալիս որպես երաժշտական քննադատ: 1830թ. գրում է հանրահայտ «Ֆանտաստիկ սիմֆոնիան»։

Ստանալով «Հռոմի մրցանակը»՝ 18 ամիս ուսանում է Իտալիայում, 1832թ. վերադառնալով Փարիզ շարունակում է իր կոմպոզիտորական, դիրիժորական և քննադատական գործունեությունը։ Թղթակցում է «Gazette musicale de Paris» և «Journal des Débats» թերթերին՝ վաստակելով լուրջ և խոստապահանջ երաժշտական քննադատի համբավ։ 1839թ. նշանակվում է Փարիզի երաժշտանոցի գրադարանավար։ 1842 թվականից հյուրախաղերով հանդես է գալիս արտասահմանում, այդ թվում նաև Ռուսաստանում (1847, 1867—68):

Բեռլիոզի անձնական կյանքը դժվար է կոչել երջանիկ. նրա առաջին ամուսնությունը իռլանդացի դերասանուհի Հարիեթ Սմիթսոնի հետ ավարտվեց ապահարզանով 1843թ. (Սմիթսոնը երկար տարիներ տառապել է անբուժելի նյարդային հիվանդությամբ)։ Նրա մահից հետո Բեռլիոզը ամուսնանում է երգչուհի Մարիա Ռեսիոյի հետ, որը մահանում է 1854թ.։ Առաջին ամուսնությունից կոմպոզիտորի որդին մահանում է Բեռլիոզի կենդանության օրոք՝ 1867թ.։ Բեռլիոզը մահանում է մենակության մեջ 1869 թ. մարտի 8-ին։

Հիմնական ստեղծագործությունները

Սիմֆոնիաներ

• Ֆանտաստիկ սիմֆոնիա Op.14, H 48 (Symphonie fantastique, 1830)
• Հարոլդը Իտալիայում Op.16, H 68 (Harold en Italie), ալտի և նվագախմբի համար (1834)
• Ռոմեո և Ջուլիետ — սիմֆոնիա երգչախմբի, մենակատարների և նվագախմբի համար, Op.17, H 79 (1839).
• Ողբերգա-հաղթական սիմֆոնիա, Op.15, H 80a, b (1840թ.)

Սիմֆոնիկ ստեղծագործություններ

• Փոթորիկը (ըստ Շեքսպիրի, երգչախմբով), H 52 (1830)
• «Լիր արքա» նախերգանք, Op.4, H 53 (1831)
• «Հռոմի կառնավալ» նախերգանք, Op.9, H 95 (1844)

Վոկալ ստեղծագործություններ

• Ամառային գիշերներ, Op.7, H 81 (1841)

Օպերաներ

• «Բենվենուտո Չելլինի», Op.23, H 76a (1838)
• «Ֆաուստի դատապարտումը», Op.24, H 111 (La Damnation de Faust, 1846)
• «Տրոյացիներ», H 133a (Les Troyens, 1863)
• «Բեատրիչե և Բենեդիկտ», H 138 (1863)

Ստեղծագործություններ երգչախմբի համար

• Հանդիսավոր ժամերգություն (Messe Solennelle), H 20 (1824)
• Ռեքվիեմ, Op. 5, H 75 (Grande Messe des morts, 1837)
• Տե Դեում (Te Deum), Op. 22, H 118 (1848/9)
• «Քրիստոսի մանկությունը» օրատորիա, Op. 25, H 130 (L’enfance du Christ, 1853/4)