Միքայել Անդրեասյան

Միքայել Անդրեասյան
Ծնվել է	փետրվար 3, 1952
Ծննդավայր	Կիսլովոդսկ, Ռուսաստան
Քաղաքացիություն	ՀՀ
Ազգություն	Հայ
Մասնագիտություն	օդաչու
Աշխատանք	օդաչու-հրամանատար
Պարգևներ և մրցանակներ	ԽՍՀՄ բազմակի չեմպիոն, ԼՂՀ «Մարտական խաչ» 1-ին աստիճանի շքանշան,

ԱՆԴՐԵԱՍՅԱՆ Միքայել Նիկոլայի [ծ. 3.2. 1952, ք. Կիսլովոդսկ (Ստավրոպոլի երկրամաս, Ռուսաստան)], օդաչու-հրամանատար: Ինքնաթիռային սպորտի վարպետ, ԽՍՀՄ բազմակի չեմպիոն: Ավարտել է Վոլչանսկի (Ուկրաինա) քաղաքացիական ավիացիայի օդաչուական ուսումնարանը (1974): 1974–77-ին աշխատել է Երևանի ավիաակումբում, 1977–2001-ին՝ «Էրեբունի» և «Զվարթնոց» օդանավակայաններում՝ ՅԱԿ-40 ինքնաթիռի հրամանատար: 1988–92-ին մասնակցել է ԼՂ ինքնապաշտպանությանը: Շուշիի ազատագրմանը նախորդող օրերին մարտական գոտում կատարել է 60-ից ավելի թռիչք: 1992-ի մարտի 27-ին և մայիսի 10-ին գնդակոծված և խափանված շարժիչներով բարեհաջող վայրէջք է կատարել համապատասխանաբար «Էրեբունի» և Սիսիանի օդանավակայաններում՝ փրկելով անձնակազմի, վիրավոր ազատամարտիկների և 40-ից ավելի երեխաների կյանքը: Վերջին վայրէջքի ժամանակ ստացել է ողնաշարի վնասվածք: Ընդհանուր թռիչքաժամը ԼՂ կազմել է 280 ժամ: Պարգևատրվել է ԼՂՀ «Մարտական խաչ» 1-ին աստիճանի շքանշանով և «Արիության համար» մեդալով: