Գրիգորյան օրացույց

1982 թվականի արևմտագերմանական նամականիշ` ի նշան Գրիգորյան օրացույցի ընդունման 400 ամյակի։ Նամականիշի վրայի պատկերը վերցված է 1956 թվականին` Յոհանն Ռաշեմի հեղինակային գրքից

Գրիգորյան օրացույց, աստղագիտական հաշվումների վրա հիմնված՝ տարեթվերի և ժամանակահատվածների որոշման համակարգ, տարեցույց։

Ժամանակակից՝ Գրիգորյան կամ նոր տոմարy հաջորդել է հին հռոմեական՝ հուլյան կամ հին տոմարին, որի համաձայն տարվա միջին տևողությունը կազմում էր 365,25 օր։ Քանի որ հուլյան տարվա տևողությունը 11 ր 14 վրկ-ով ավելի է արևադարձայինից, ապա 128 տարվա ընթացքում կուտակված սխալը կազմում էր մի ամբողջ օր, իսկ մինչև 1582 թվականը տարբերությունը դարձել էր 10 օր։ Սխալն ուղղվեց 16-րդ դարում՝ Հռոմի պապ Գրիրգորիս XIII ռեֆորմով, ըստ որի 1582 թվականի հոկտեմբերի 4-ին հաջորդեց հոկտեմբերի 15-ը։ Այդ ժամանակից հուլյան տոմարը վերանվանվել է գրիգորյան տոմարի, որը տարբեր երկրներում գործածության մեջ է դրվել տարբեր ժամանակներից։

Հայաստանում սովետական կարգեր հաստատվելուց հետո` 1920 թվականին, նույնպես ընդունվեց նոր տոմարը։ Մինչև 20-րդ դարի կեսերը գրիդորյան տոմարից սկսել են օգտվել աշխարհի գրեթե բոլոր երկրները։

Գրիգորյան օրացույցի կազմությունը

Գրիգորյան օրացույցով տարվա տևողությունը ընդունված է համարել 365,2425 օր, նահանջ տարվանը` 366 օր։

$365,2425=365+0,25-0,01+0,0025=365+{\frac {1}{4}}-{\frac {1}{100}}+{\frac {1}{400}}$

Ամիսներ

Գրիգորյան օրացույցի համաձայն` տարին ունի 12 ամիս, որոնք ունեն 28-ից 31 օր տևողություն։

№	Ամիս	Օրվա քանակ
1	Հունվար	31
2	Փետրվար	28 (նահանջ տարում` 29)
3	Մարտ	31
4	Ապրիլ	30
5	Մայիս	31
6	Հունիս	30
7	Հուլիս	31
8	Օգոստոս	31
9	Սեպտեմբեր	30
10	Հոկտեմբեր	31
11	Նոյեմբեր	30
12	Դեկտեմբեր	31

Հուլյան և Գրիգորյան օրացույցների տարբերությունները

Ստորև ներկայացված են վերոնշյալ օրացույցների տարբերությունները.

Օրերի տարբերությունը	Ժամանակաշրջան (հուլյան օրացույց)	Ժամանակաշրջան (գրիգորյան օրացույց)
10	1582թ-ի հոկտեմբերի 5-ից — 1700թ-ի փետրվարի 29-ը	1582թ-ի հոկտեմբերի 15-ից — 1700թ-ի մարտի 11-ը
11	1700թ-ի մարտի 1-ից — 1800թ-ի փետրվարի 29-ը	1700թ-ի մարտի 12-ից — 1800թ-ի մարտի 12-ը
12	1800թ-ի մարտի-ից - 1900թ-ի փետրվարի 29-ը	1800թ-ի մարտի 13-ից - 1900թ-ի մարտի 13-ը
13	1900թ-ի մարտի 1-ից - 2100թ-ի փետրվարի 29-ը	1900թ-ի մարտի 14-ից - 2100թ-ի մարտի 14-ը
14	2100թ-ի մարտի 1-ից - 2200թ-ի փետրվարի 29-ը	2100թ-ի մարտի 15-ից - 2200թ-ի մարտի 15-ը
15	2200թ-ի մարտի 1-ից 2300թ-ի փետրվարի 29-ը	2200թ-ի մարտի 16-ից - 2300թ-ի մարտի 16-ը

Տես նաև

• Հայկական տոմար
• Հրեական տոմար