Սպառողների իրավունքների պաշտպանության միջազգային օր

Վիքիպեդիայից՝ ազատ հանրագիտարանից
Սպառողների իրավունքների պաշտպանության միջազգային օր

Տեսակհիշարժան ամսաթիվ
ԱմսաթիվՄարտի 15
Վաճառողն աշխատանքի ժամանակ

Սպառողների իրավունքների օր (Սպառողների իրավունքների պաշտպանության միջազգային օր, Սպառողների իրավունքների միջազգային օր) (անգլ.՝ World Consumer Rights Day), ամենամյա տոն, որը նշվում է մարտի 15-ին։ Առաջին անգամ նշվել է 1983 թվականին։

Սպառողների իրավունքների օրն աշխարհում[խմբագրել | խմբագրել կոդը]

Կարծիքների և առաջարկների գիրք

Սպառողների իրավունքների օրը հարմարեցված է 1962 թվականին ԱՄՆ Կոնգրեսում տեղի ունեցած Ջոն Քենեդու ելույթի օրվան[1][2]։

Ամենաբարձր մակարդակով սահմանվել է սպառող հասկացությունը։ Ջոն Քենեդին սպառողների չորս հիմնարար իրավունք է առանձնացրել.

  • տեղեկացված լինելու իրավունք,
  • անվտանգության իրավունք,
  • ընտրության իրավունք,
  • լսելի լինելու իրավունք։

Ավելի ուշ նրանք բազմաթիվ երկրներում հիմք են դրել սպառողների իրավունքների պաշտպանության մասին օրենքը, այդ թվում` Հայաստանի Հանրապետությունում։

1960 թվականին[3] հիմնադրվել է «Consumers International (CI)» շահույթ չհետապնդող ընկերությունը` Սպառողների համաշխարհային կազմակերպությունը։ Կազմակերպությունն աշխատում է ավելի քան 50 տարի։ Միավորում է ավելի քան յոթանասուն զարգացած ժողովրդավարական պետություններից սպառողների իրավունքների պաշտպանության շուրջ երկու հարյուր հասարակական և պետական կազմակերպություն։

«Consumers International»-ի սկզբունքներն են.

  • տեղեկացված լինելու իրավունք,
  • անվտանգության իրավունք,
  • ընտրության իրավունք,
  • լսելի լինելու իրավունք,
  • վնասը փոխհատուցելու իրավունք,
  • առողջ շրջակա միջավայր ունենալու իրավունք
  • սպառողական կրթության իրավունք,
  • հիմնական պահանջմունքների բավարարման իրավունք։

«Consumers International»-ը պաշտպանում է սպառողների իրավունքները ՅՈՒՆԵՍԿՕ-ում և ՄԱԿ-ում, տրամադրում կրթական և իրավական օգնություն։

1985 թվականի ապրիլի 9-ին ՄԱԿ-ի Գլխավոր ասամբլեան ամրագրել է սպառողների իրավունքների պաշտպանության ուղեցույցները։ Այսուհետ սպառողների իրավունքները իրավաբանորեն ճանաչված են։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]