Սոֆի Գրեգուար

Վիքիպեդիայից՝ ազատ հանրագիտարանից
Jump to navigation Jump to search
Սոֆի Գրեգուար
ֆր.՝ Sophie Grégoire
Sophie Gregoire 2017.jpg
Ծնվել էապրիլի 24, 1975(1975-04-24) (44 տարեկան)
ԾննդավայրՄոնրեալ, Մոնրեալի շրջան, Քվեբեկ, Կանադա
ՔաղաքացիությունFlag of Canada.svg Կանադա
ԿրոնՀռոմի Կաթոլիկ եկեղեցի
ԿրթությունՄոնրեալի համալսարան
Մասնագիտությունլրագրող և մոդել
ԱմուսինՋասթին Տրյուդո
Քաղաքական կուսակցությունԿանադայի լիբերալ կուսակցություն
Sophie Grégoire Վիքիպահեստում

Սոֆի Գրեգուար (ֆր.՝ Sophie Grégoire, ապրիլի 24, 1975(1975-04-24), Մոնրեալ, Մոնրեալի շրջան, Քվեբեկ, Կանադա), կանադացի լրագրող, հաղորդավարուհի և մոդել, Կանադայի վարչապետ Ջասթին Թրյուդոյի կինը:

Կենսագրություն[խմբագրել | խմբագրել կոդը]

Սոֆի Գրեգուարը ծնվել է 1975 թվականի ապրիլի 24-ին Կանադայի Քվեբեկ նահանգի Մոնրեալ քաղաքում: Հայրը բրոքեր է, մայրը՝ բուժքույր[1]: Սովորել է Մոնրեալի Ուտրեմոն թաղամասի «Սեն Նոմ դը Մարի» մասնավոր գիշերօթիկ դպրոցում: Մտադրվելով գնալ հոր հետքերով՝ ուսումը շարունակել է ՄաքԳիլի համալսարանի առևտրի ֆակուլտետում, այնուհետև տեղափոխվել է Մոնրեալի համալսարան և ավարտել այն՝ ստանալով բակալավրի աստիճան միջազգային հարաբերությունների բնագավառում[2]:

Գրեգուարը կարծում է, որ «ունեցել է երջանիկ մանկություն», եղել է լավ ուսանողուհի, հեշտությամբ է շփվել մարդկանց հետ և սիրել է սպորտը: 17 տարեկանից նա պայքարում էր նյարդային բուլիմիայի դեմ և բուժվել է, մասնավորապես, յոգայի օգնությամբ[3]:

Գործունեություն[խմբագրել | խմբագրել կոդը]

Ջասթին Թրյուդոն և Սոֆի Գրեգուարը Տորոնտոյի կինոփառատոնի ժամանակ (2008)

Գրեգուարն իր կարիերան սկսել է՝ որպես գովազդային ընկերության ընդունարանի օգնական և ղեկավարի քարտուղար: Եղել է ֆոտոմոդել: 3 տարի անց, երբ արդեն մենեջեր էր, գնաց սովորելու ռադիոյի և հեռուստատեսության դպրոցում, որից հետո աշխատանքի անցավ խմբագրությունում։ Այստեղ նա գրում էր նորություններ (վազող տողում): Ավելի ուշ որպես լրագրող աշխատել է Քվեբեկի «LCN» հեռուստաընկերությունում (մի շարք այլ հեռուստաընկերություններին զուգահեռ): 2005-2010 թվականներին աշխատել է «CTV Television Network»-ում՝ որպես Քվեբեկի լրագրող։ Այստեղ աշխատելիս լուսաբանում էր մշակույթի, արվեստի, կինոյի և շոու-բիզնեսի խնդիրները: Վարում է «Radio-Canada»-յի ամենօրյա հաղորդումը[4]:

Գրեգուարն ազատ տիրապետում է ֆրանսերենին (մայրենի լեզու), անգլերենին և իսպաներենին, իսկ 2012 թվականին ստացել է յոգայի ուսուցչի վկայագիր[5]: Սիրում է էքստրեմալ սպորտաձևեր, նվագում է ֆլեյտա և կիթառ: Զբաղվում է բարեգործությամբ, աշխատում է «The Shield of Athena» շահույթ չհետապնդող կազմակերպությունում, որը զբաղվում է կանանց հիմնախնդիրներով, մասնավորապես, ընտանեկան բռնության զոհերի խնդիրներով[2]։ Նա նաև ակտիվորեն աշխատում է բուլիմիայի դեմ պայքարող կազմակերպություններում, բարեգործական նպատակներով պարբերաբար մեկնում է Աֆրիկա[1]: Լավ հռետոր է:

Անձնական կյանք[խմբագրել | խմբագրել կոդը]

2005 թվականի մայիսի 28-ից ամուսնացած է Կանադայի երկարամյա վարչապետ Պիեր Թրյուդոյի որդու՝ հայտնի քաղաքական գործիչ, Կանադայի վարչապետ Ջասթին Թրյուդոյի հետ (ծնվել է 1971 թվականին)։ Գրեգուարը նախկինում եղել է Ջասթինի կրտսեր եղբոր՝ Միշել Թրյուդոյի մանկության ընկերուհին և դասընկերուհին[6]:

Գրեգուարն ու Ջասթինն ունեն երեք երեխա՝

  • ավագ որդին՝ Քսավյեր Ջեյմսը (ծնվել է 18.10.2007),
  • դուստրը՝ Էլլա-Գրեյս Մարգարետը (ծնվել է 05.02.2009),
  • կրտսեր որդին՝ Ադրիանը (ծնվել է 28.02.2014):

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]