Սուրեն Պետրոսյան (քաղաքական գործիչ)

	Սուրեն Պետրոսյան
Կուսակցություն՝	«Ժողովրդավարական համախմբում»
Կրթություն՝	Ֆիզիկական կուլտուրայի հայկական պետական ինստիտուտ և Հայաստանի պետական տնտեսագիտական համալսարան
Մասնագիտություն՝	քաղաքական գործիչ
Ազգություն	հայ
Ծննդյան օր	մարտի 10, 1988 (37 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Սուրեն Ռաֆիկի Պետրոսյան (մարտի 10, 1988(1988-03-10), Երևան, Հայկական ԽՍՀ, ԽՍՀՄ), քաղաքական գործիչ, քաղաքագետ, «Ժողովրդավարական համախմբում» կուսակցության^[1] նախագահ։

Կենսագրություն

Կրթություն

2004-2008թթ. Ֆիզիկական կուլտուրայի հայկական պետական ինստիտուտ, (թենիս) մարզիչ մանկավարժի որակավորում (բակալավրի աստիճան)։ 2009-2013թթ. Հայաստանի պետական տնտեսագիտական համալսարան, կառավարում (բակալավրի աստիճան)։ 2011-2013թթ. ՀՀ Պետական կառավարման ակադեմիա, քաղաքական կառավարում և վերլուծություն (Քաղաքագիտության մագիստրոսի կոչում)։ 2013-2016թթ. Հայաստանի պետական տնտեսագիտական համալսարան, պետական և մունիցիպալ կառավարում (մագիստրոսի կոչում)։ Ավարտել է ՀՀ Պետական կառավարման ակադեմիայի ասպիրանտուրան, գիտական հետազոտության թեման՝ «Քաղաքական էլիտայի կերպափոխման հիմնախնդիրները ՀՀ-ում»^[2]:

Միջազգային դասընթացներ

2013թ. - Օքսֆորդի համալսարան, քաղաքական առաջնորդության դասըթացներ (Մեծ Բրիտանիա)^[փա՞ստ]։ 2016թ. - «Տեղեկատվական տեխնոլոգիաների կիրառման և զարգացման հեռանկարները ՀՀ համար» դասընթաց (Չինաստան, Շանհայ)^[փա՞ստ]։ 2016թ. - Օթզենհաուսենի Եվրոպական ակադեմիայի քաղաքական դասընթացներ (What’s up, Europe), (Գերմանիա, Օթզենհաուսեն)^[փա՞ստ]։ 2018թ. – Եվրոպայի խարհրդի Քաղաքական դասընթացների դպրոցների ասոցացիա և Ստոկհոլմի անցումային տնտեսության ինստիտուտ – SAPERE AUDE, ազատություն և պատասխանատվություն (Շվեդիա, Ստոկհոլմ)^[փա՞ստ]։ 2018թ. – Եվրոպայի խորհրդի Քաղաքական դասընթացների դպրոցների ասոցացիա և Հունաստանի Քաղաքական դասընթացների քաղաքացիական դպրոց (Հունաստան, Սալոնիկ)^[փա՞ստ]։

Գործունեություն

2014-2016 թթ. Հայաստանի տրանսպորտի և կապի նախարարություն (Կապի և տեղեկատվայնացման վարչության պետ)^[փա՞ստ]։ 2016 թ․-ից դասախոսում է Հայաստանի պետական կառավարման ակադեմիայում^[փա՞ստ]։ Բազմաթիվ գիտական հոդվածների հեղինակ է^[փա՞ստ]։

Հասարակական-քաղաքական գործունեություն

2019 թվականին նախաձեռնել է «Ժողովրդավարական համախմբում» անունը կրող քաղաքական նախաձեռնության^[3]։

2021 թվականի փետրվարի 27-ից «Ժողովրդավարական համախմբում» կուսակցության նախագահն է։

2022 թվականի օգոստոսին մեկնել է Արցախի Հանրապետության Քաշաթաղի շրջանի Աղավնո գյուղ, որն ըստ քաղաքական պայմանավորվածության պետք է հանձնվեր Ադրբեջանի վերահսկողությանը^[4]։ Սուրեն Պետրոսյանը հայտարարել էր, որ կազմակերպելու են Բերձոր քաղաքի և Աղավնո գյուղի ինքնապաշտպանություն, որպեսզի կանխեն վերջինների հանձնումը Ադրբեջանին^[5]։ Օգոստոսի 8-ին նման հայտարարություն տարածվեց նաև իր ղեկավարած «Ժողովրդավարական համախմբում» կուսակցության անունից^[4]^[5]։ Այնուամենայնիվ, Սուրեն Պետրոսյանը Աղավնո գյուղից հեռացել է օգոստոսի 21-ին, հայտարարել, որ ինքնապաշտպանություն չի կազմակերպել, քանի որ այդ ժամանակվա ՀՀ ԱԺ ընդիմադիր պատգամավորները գործ անելու փոխարեն միայն կոչեր են արել^[6]։ Նույն թվականի օգոստոսի 25-ին Աղավնո և Բերձոր բնակավայրերը հանձնվեցին Ադրբեջանի վերահսկողությանը^[7]։

2024 թվականի մարտին Հայաստանի և Ադրբեջանի իշխանությունների պայմանավորվածության համաձայն նախատեսված էր Տավուշի մարզի Ոսկեպար –Կիրանց բնակավայրերի հատվածում հայ–ադրբեջանական շփման գծի հստակեցման և չբնակեցված 4 գյուղերի հանձնման գործընթաց։ Սուրեն Պետրոսյանը մարտի վերջին մի խումբ ընկերների հետ մեկնել է Ոսկեպար գյուղ, քանի որ, ըստ նրա, այնտեղ է վճռվում Հայաստանի պետականության հարցը^[8]։ Նա հայտարարել էր, որ մինչև վերջ մնալու է Ոսկեպարում, կանգնելու է բնակիչների կողքին, որպեսզի թույլ չտա որևէ տարածքի հանձնում Ադրբեջանին^[8]^[9]։

Հետաքրքիր տեղեկություններ

Սուրեն Պետրոսյանը 1997-2007 թթ․ մարզվել է թենիսով, զբաղվում է լեռնագնացությամբ, 2012 թ․, բարձրացել է Էլբրուսը (4741 մետր)^[10], 2016 թ․ Մաթերհորն (4478 մետր)^[11]:

Ընտանիք

Ամուսնացած է, ունի երեք երեխա։

Ծանոթագրություններ

[1] ttps://www.24news.am/news/157402

[2] ttps://www.ysu.am/councils/dissertations/75375

[3] ttps://factor.am/142358.html

[aravot.am_ինքնապաշտպանություն,_ԺՀ-4] 4,0 ^4,1 «Բերձոր և Աղավնո համայնքների համար կազմակերպվում է ինքնապաշտպանություն. «Ժողովրդավարական համախմբում»» հոդված aravot.am կայքում, (արխիվացված 21․09․2024 թվականին)։

[oragir.news_ինքնապաշտպանություն,_Ս․Պետրոսյան-5] 5,0 ^5,1 «Բերձոր և Աղավնո համայնքներում կազմակերպվում է ինքնապաշտպանություն» հոդված oragir.news կայքում, (արխիվացված 21․09․2024 թվականին)։

[armlur.am_Ս․Պետրոսյան11-6] «Միայն հայտարարում են ․․․» հոդված armlur.am կայքում, (արխիվացված 21․09․2024 թվականին)։

[yerevan.today_Աղավնո_Բերձոր_հանձնում-7] «Ինչպես և երբ հանձնվեցին Բերձորն ու Աղավնոն» հոդված yerevan.today կայքում, (արխիվացված 21․09․2024 թվականին)։

[news.am_Ոսկեպար_Պետրոսյան1-8] 8,0 ^8,1 «Մնալու ենք Ոսկեպարում, այստեղ վճռվում է ամբողջ պետականության հարցը. կուլմինացիան լինելու է Երեւանում. Սուրեն Պետրոսյան» հոդված yerevan.today կայքում, (արխիվացված 03․04․2024 թվականին)։

[armlur.am_Ոսկեպար_Պետրոսյան1-9] «Քաղաքագետը գնացել է՝ ապրելու Ոսկեպարում. չի կարելի հայրենիք հանձնել» հոդված armlur.am կայքում, (արխիվացված 21․09․2024 թվականին)։

[10] «Արխիվացված պատճենը». Արխիվացված է օրիգինալից 2023 թ․ փետրվարի 1-ին. Վերցված է 2023 թ․ փետրվարի 13-ին.

[11] ttps://newsarmenia.am/am/news/society/hay_lernagnatsnery_hajoghutyamb_/

[1]

[2]

[3]

[4]

[5]

[6]

[7]

[8]

[9]

[10]

[11]