Սուրեն Հոբոսյան

Վիքիպեդիայից՝ ազատ հանրագիտարանից
Jump to navigation Jump to search
Սուրեն Հոբոսյան
Ծնվել է1949
Շնող, Հայկական ԽՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
Ազգությունհայ
Մասնագիտությունպատմաբան, հնագետ և ազգագրագետ
Ալմա մատերԵրևանի պետական համալսարան
Գիտական աստիճանպատմական գիտությունների թեկնածու (1998)

Սուրեն Գևորգի Հոբոսյան (1949, Շնող), պատմաբան, հնագետ-ազգագրագետ, պատմական գիտությունների թեկնածու (1998)[1][2]:

Կենսագրություն[խմբագրել | խմբագրել կոդը]

Սուրեն Հոբոսյանը ծնվել է 1949 թվականին Լոռու մարզի Շնող գյուղում։ 1971 թվականին ավարտել է Երևանի պետական համալսարանի պատմական ֆակուլտետի հնագիտության բաժինը: Աշխատանքի է անցել ՀՀ ԳԱԱ հնագիտության և ագագրության ինստիտուտում՝ որպես ազգագրության բաժնի ավագ լաբորանտ: 1981 թվականից եղել է գիտաշխատող, 2004 թվականից՝ ավագ գիտաշխատող, իսկ 2005 թվականից՝ ազգագրության բաժնի վարիչ: 1989-2009 թվականներին մասնակցել է Լոռի բերդի, Աշտարակի, Երնջատափի, Աքորու և այլ հուշարձանների պեղումներին: 2009 թվականից Հոբոսյանը ղեկավարել է Թեղուտի հանքավայրի իրացման գոտու պատմամշակութային հուշարձաների հնագիտական ուսումնասիրություններ իրականացնող արշավախումբը[1]:

Գիտական գործունեություն[խմբագրել | խմբագրել կոդը]

Հոբոսյանի գիտական հետազոտությունները հիմնականում վերաբերում են ավանդական տնտեսությանը, ձիթհանության հմտություններին, հացահատիկների վերամշակման համակարգին, խաղողագործության ու գինեգործության ազգագրությանը[1]:

Ստեղածագործություններ[խմբագրել | խմբագրել կոդը]

  • «Հայոց ձիթհանության մշակույթը XIX դարի 2-րդ և XX դարի 1-ին կեսերին» մենագրություն (2007)[3][4]
  • «Գինին հայոց ավանդական մշակույթում» (համահեղինակ) (2005)
  • «Ժողովուրդներ և մշակույթներ. Հայեր» (համահեղինակ) (2011)

Շուրջ 40 գիտական հոդվածների հեղինակ է[1]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]