Սուրեն Կարախանյան
- Վիքիպեդիայում կան հոդվածներ Կարախանյան ազգանունով այլ մարդկանց մասին։
| Սուրեն Կարախանյան | |
|---|---|
| Ծնվել է | սեպտեմբերի 15, 1930 |
| Մահացել է | փետրվարի 9, 2003 (72 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ (1959) |
| Գիտական աստիճան | տեխնիկական գիտությունների դոկտոր (1977) |
| Մասնագիտություն | քիմիկոս |
| Պարգևներ և մրցանակներ |  |
Սուրեն Սմբատի Կարախանյան (սեպտեմբերի 15, 1930 - փետրվարի 9, 2003, Երևան, Հայաստան), քիմիկոս-տեխնոլոգ։ Տեխնիկական գիտությունների դոկտոր (1997): ՌԴ բնական (1998), Բնության և հասարակության մասին միջազգային (1998) ԳԱ-ների հայկական մասնաճյուղի անդամ և պատվավոր պրոֆեսոր, ՌԴ բնական ԳԱ հայկական մասնաճյուղի փոխնախագահ (1998-2003), ՌԴ բժշկատեխնիկական ԳԱ անդամ (2001)[1]:
Կենսագրություն[խմբագրել | խմբագրել կոդը]
Սուրեն Կարախանյանը ծնվել է 1930 թվականի սեպտեմբերի 15-ին, Ուլյան-Նորաշեն (Նախիջևան) գյուղում։ 1959 թվականին ավարտել է Երևանի պոլիտեխնիկական ինստիտուտը։ 1959 թվականից աշխատել է Ընդհանուր և անօրգանական քիմիայի ինստիտուտում, 1968-1975 թվականներին եղել է նույն ինստիտուտի փորձնական գործարանի գլխավոր ճարտարագետ, արդյունաբերական թափոնների վնասազերծման լաբորատորիայի վարիչ, 1975-2003 թվականներին՝ նույն ինստիտուտի և փորձնական գործարանի տնօրեն։ 1982-1995 թվականներին միաժամանակ դասավանդել է Երևանի պոլիտեխնիկական ինստիտուտում[2]։
Մշակել և Քանաքեռի ալյումինի գործարանի էլեկտրոլիզի արտադրամասում արդյունաբերական մասշտաբներով փորձարկել է ֆտորաջրածնի կլանման նոր եղանակ։ Այս աշխատանքների (Հ. Օ. Գրիգորյանի հետ) հիման վրա շահագործման է հանձնվել Գոմելի (Բելառուս) քիմիական գործարանի ֆոսֆոգիպսի չորացման և հատիկավորման արտադրամասը։ Առաջարկել է տուֆային թափոններն օգտագործել որպես ջրախառնիկ հավելույթներ՝ արտադրանքի ամրությունը մեծացնելու համար։ Ցեմենտային փոշու օգտահանման աշխատանքները ներդրվել են Գուլկևիչ քաղաքի (ՌԴ Կրասնոդարի մարզ) սիլիկատային աղյուսի և Շանդունի (Չինաստան) ցեմենտի գործարաններում։
Կարախանյանը մշակել է Երևանի աղի հանքից «էքստրա» աղի ստացման սխեման, իրականացրել ոսկի պարունակող աղքատ հանքերից ոսկու լրիվ կորզումը և արժեքավոր սիլիկատների ստացումը։
Պարգևներ[խմբագրել | խմբագրել կոդը]
- ԽՍՀՄ և ՀԽՍՀ ԺՏՆՑ արծաթե մեդալներ (1987)։
- Վ. Հ. Համբարձումյանի մրցանակ (1995)։
Մահ[խմբագրել | խմբագրել կոդը]
Մահացել է 2003 թվականի փետրվարի 9-ին, Երևանում։
Ծանոթագրություններ[խմբագրել | խմբագրել կոդը]
- ↑ www.raen.am http://www.raen.am/members/k5.html. Վերցված է 2019 թ․ հուլիսի 13-ին.
{{cite web}}: Missing or empty|title=(օգնություն) - ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 542։
 | Վիքիդարանն ունի նյութեր, որոնք վերաբերում են «Սուրեն Կարախանյան» հոդվածին։ |
|
