Սուրեն Դանիելյան

Վիքիպեդիայում կան հոդվածներ Դանիելյան ազգանունով այլ մարդկանց մասին:

Սուրեն Դանիելյան
Ծնվել է	օգոստոսի 9, 1948(1948-08-09) (75 տարեկան)
Ծննդավայր	Երևան, Հայկական ԽՍՀ, ԽՍՀՄ
Մասնագիտություն	գրականագետ
Գիտական աստիճան	բանասիրական գիտությունների դոկտոր
Անդամակցություն	ՀԳՄ
Աշխատավայր	Գևորգյան Հոգևոր Ճեմարան

Սուրեն Դավթի Դանիելյան (օգոստոսի 9, 1948(1948-08-09), Երևան, Հայկական ԽՍՀ, ԽՍՀՄ), հայ գրականագետ, բանասիրական գիտությունների դոկտոր, պրո‎ֆեսոր։ Հայաստանի գրողների միության անդամ (1996)։

Կենսագրություն

Սովորել է Երևանի Խաչատուր Աբովյանի անվան հայկական պետական մանկավարժական ինստիտուտի բանասիրական ‎ֆակուլտետում, այնուհետև՝ ասպիրանտուրայում և սկսել դասախոսական աշխատանքը։ 1993-2001 թվականներին հայ գրականություն է դասավանդել Գևորգյան հոգևոր ճեմարանում։ 1995 թվականին հիմնադրել է «Սփյուռք» գիտաուսումնական կենտրոնը, կազմակերպել է արևմտահայ լեզվի, գրականության, մեսրոպյան ուղղագրության՝ շուրջ երեք տասնյակի հասնող մեկամսյա վերապատրաստության դասընթացներ Սփյուռքի և հայրենիքի ուսուցիչների համար։ 2013 թվականից Խաչատուր Աբովյանի անվան հայկական պետական մանկավարժական համալսարանի հայ նոր և նորագույն գրականության և նրա դասավանդման մեթոդիկայի ամբիոնի վարիչն է։ Հեղինակ է բազմաթիվ հոդվածների, կազմել և հրատարակել է 50-ից ավելի ժողովածուներ՝ դասագրքեր, ձեռնարկներ, պատմական, գիտական, գեղարվեստական հատորներ։

Պարգևներ

• ՀՀ սփյուռքի նախարարության և ՀԳՄ համատեղ «Վիլյամ Սարոյան» մեդալ, 2012
• ՀԳՄ «Գրական վաստակի համար» մեդալ, 2007
• ՀԳՄ Միքայել Նալբանդյանի անվան մրցանակ, 1994

Երկեր

• Արևմտահայ գրականություն. Տիտանիկ թե՞ շարունակականություն, Եր., 2014:
• Միջուկի տրոհումը. սփյուռքահայ գրականության պատմություն, գիրք Ա, Եր., 2011:
• Բանաստեղծության ազատագրումը. Զարեհ Խրախունի, Ս. Էջմիածին, 1999։
• Ներաշխարհի գեղարուեստական քննութիւն. Ռոպէր Հատտէճեան, Իսթանպուլ, 1996։
• Սփիւռքահայ վէպը. ժանրը, աւանդոյթները, պատմութեան փիլիսոփայութիւնը, Անթիլիաս, 1992։
• Սուրեն Դանիելյան. Բանաստեղծի ապրված ժամանակը, «Գարուն», 1987, № 1։