Սուրեն Բաբլոև

Վիքիպեդիայից՝ ազատ հանրագիտարանից
Jump to navigation Jump to search
Սուրեն Բաբլոև
Ծնվել է հոկտեմբերի 10, 1918({{padleft:1918|4|0}}-{{padleft:10|2|0}}-{{padleft:10|2|0}})[1]
Մանգլիս, Թեթրի Ծղարոյի մունիցիպալիտետ, Քվեմո Քարթլիի մարզ, Վրաստան
Երկիր Flag of the Soviet Union.svg ԽՍՀՄ
Մահացել է օգոստոսի 10, 1979({{padleft:1979|4|0}}-{{padleft:8|2|0}}-{{padleft:10|2|0}}) (60 տարեկանում)
Մոսկվա, ԽՍՀՄ
Մասնագիտություն դիրիժոր
Շրջանավարտ Մոսկվայի Չայկովսկու անվան պետական կոնսերվատորիա

Սուրեն Իսահակի Բաբլոև (ռուս.` Сурен Исаакович Баблоев, ծնվ. 1918 թ. հոկտեմբերի 10, Մանգլիս, Վրաստան - մահ. 1979 թ. օգոստոսի 10, Մոսկվա, ԽՍՀՄ), հայազգի խորհրդային դիրիժոր, խմբավար: Վրացական ԽՍՀ արվեստի վաստակավոր գործիչ, Հայկական ԽՍՀ վաստակավոր արտիստ, ՌԽՖՍՀ (1958 թ.)[2] և ԽՍՀՄ ժողովրդական արտիստ (1978 թ.)[3]:

Կենսագրությունը[խմբագրել | խմբագրել կոդը]

Սուրեն Բաբլոևը ծնվել է Վրաստանի ներկայիս Քվեմո Քարթլիի մարզի Թեթրիծղարոյի շրջանի Մանգլիս քաղաքում: 1941 թվականին ավարտել է Մոսկվայի Չայկովսկու անվան պետական կոնսերվատորիայի ռազմական ֆակուլտետը (ներկայումս Ռուսաստանի Դաշնության Պաշտպանության նախարարության ռազմական համալսարանի ռազմական ինստիտուտը (զինվորական դիրիժորների)): Սովորել է Նիկոլայ Գոլովանովի և Ալեքսանդր Չուգունովի մոտ:

1941 թվականից տարբեր զինվորական նվագախմբերի և երգի ու պարի համույթների խմբավարն էր: 1963 թվականից Մոսկվայի ռազմական օկրուգի երգի ու պարի համույթի գեղարվեստական ղեկավարն ու միևնույն ժամանակ պետն էր: Ստեղծել է մի շարք թեմատիկ համերգային ծրագրեր, այդ թվում «Պատերազմով թրծված երգը» (1975 թ.) սյուիտը: Հեղինակ է վոկալ և երգչախմբային ստեղծագործությունների:

Սուրեն Բաբլոևի ղեկավարության ներքո, համույթը հյուրախաղերով հանդես է եկել աշխարհի բազմաթիվ երկրներում` Ճապոնիա, Ֆրանսիա, Մեծ Բրիտանիա, Շվեդիա, Նիդերլանդներ և այլուր:

Սուրեն Բաբլոևը մահացել է 1979 թվականի օգոստոսի 10-ին (այլ տվյալներով` օգոստոսի 11-ին[4])` Մոսկվայում: Թաղված է Կունցևսկի գերեզմանատանը[5]:

Գրականություն[խմբագրել | խմբագրել կոդը]

  • Саркисян С. Т. Энциклопедия Арцах-Карабаха. Спб., 2005. - 312 с.
  • Мамулов С.С. Армяне в Грузии. Книга вторая. М., 2002

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]