Սուրեն Աղբալյան (մանկավարժ)
- Անվան այլ կիրառումների համար տե՛ս՝ Սուրեն Աղբալյան (այլ կիրառումներ)
Սուրեն Աղբալյան | |
---|---|
Ծնվել է | 1922 |
Ծննդավայր | Շուլավեր, Բորչալուի գավառ, Վրացական Սոցիալիստական Խորհրդային Հանրապետություն |
Քաղաքացիություն | ԽՍՀՄ |
Կրթություն | Երևանի պետական համալսարան |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Սուրեն Մեխակի Աղբալյան (1922, Շուլավեր, Բորչալուի գավառ, Վրացական Սոցիալիստական Խորհրդային Հանրապետություն), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։ ԽՄԿԿ անդամ (1944):
Կենսագրություն[խմբագրել | խմբագրել կոդը]
Սուրեն Աղբալյանը ծնվել է 1922 թվականին Վրացական ԽՍՀ Շուլավեր գյուղում[1]։
1941 թվականին դպրոցը նոր ավարտած Սուրենը կամավոր մեկնել է կարմիր բանակ։ Մարտական ծառայություններն անցել է 89-րդ հայկական հրաձգային դիվիզիայի 400-րդ գնդում, որի կազմում մասնակցել է Հյուսիսային Կովկասի պաշտպանությանը, այնուհետև՝ ազատագրմանը։ 1943 թվականին վիրավորվել է, ապաքինվելուց հետո մասնակցել է Նովոռոսիյսկի ազատագրման համար մղված մարտերին։ Թշնամու դեմ մարտնչել է Դոնբասում, ուր երկրորդ անգամ է վիրավորվել, պարգևատրվել է «Արիության համար» մեդալով։ Մարտերով անցել է Դնեպրը, Դնեստրը։ Դնեստրն անցնելու նախօրյակին, 1944 թվականին, ընդունվել է կոմունիստական կուսակցության շարքերը։ Եղբայրական Մոլդավիայի ազատագրման օրերին նա ավագ լեյտենանտ էր, դասակի, ապա՝ վաշտի հրամանատար։ Յաշ-Քիշինևյան օպերացիայի հաջող ավարտումից հետո պարգևատրվել է Կարմիր աստղի շքանշանով։ Սուրենը հերոսաբար կռվել է Լեհաստանի ազատագրման, Վարշավայում մղված փողոցային մարտերում[1]։
1945 թվականին, բանակից զորացրվելուց հետո, Աղբալյանն ընդունվել է Երևանի պետական համալսարանի աշխարհագրության ֆակուլտետը։ Համալսարանն ավարտելուց հետո գործուղվել է Ալավերդի քաղաքը։ Շուրջ երեսուն տարի մանկավարժական աշխատանք է կատարել այդ քաղաքի դպրոցներում[1]։
Պարգևներ[խմբագրել | խմբագրել կոդը]
- «Արիության համար» մեդալ
- Կարմիր աստղի շքանշան