Սուրեն Աղբալյան

Վիքիպեդիայից՝ ազատ հանրագիտարանից
Jump to navigation Jump to search
Սուրեն Գևորգի Աղբալյան
Ծնվել էփետրվարի 1, 1950 (69 տարեկան)
ԾննդավայրԱչաջուր, Տավուշի մարզ
ՔաղաքացիությունՀայաստան Հայաստան
Ազգությունհայ
ԿրթությունԵրևանի պետական համալսարան
Մասնագիտությունմետաղագետ

Սուրեն Գևորգի Աղբալյան (1950, փետրվարի 1, Աչաջուր, Տավուշի մարզ), մետաղագետ։ Տեխնիկական գիտությունների դոկտոր (1992), պրոֆեսոր (1996)։ Նյու Յորքի ԳԱ անդամ (1995ՀՀ գիտության վաստակավոր գործիչ (2010)

Կենսագրություն[խմբագրել | խմբագրել կոդը]

Սուրեն Աղբալյանը ծնվել է 1950 թվականի փետրվարի 1-ին: 1967 թվականին ավարտել է Տավուշի մարզի Աչաջուր գյուղի միջնակարգ դպրոցը: Նույն թվականին ընդունվել է Երևանի Կ. Մարքսի անվան պոլիտեխնիկական ինստիտուտի Լեռնամետալուրգիական ֆակուլտետը, որն ավարտել է 1972 թվականին: 1973-1977 թվականներին աշխատել է Հայաստանի մեքենաշինության գիտահետազոտական և կոնստրուկտորատեխնոլոգիական ինստիտուտում՝ որպես ճարտարագետ, կրտսեր գիտաշխատող, իսկ 1977 թվականից՝ ավագ գիտաշխատող: 1977-1981 թվականներին՝ «Աերոզոլներ» հատուկ կոնստրուկտորատեխնոլոգիական բյուրոյում՝ որպես առաջատար ճարտարագետ: 1979-1984 թվականներին սովորել է ԵրՊԻ-ի ասպիրանտուրայում: 1981 թվականից աշխատում Է Հայաստանի պոլիտեխնիկական ինստիտուտում, 1994-1997 թվականներին՝ նյութագիտության ամբիոնի, 1995-2003 թվականներին՝ ընդերքաբանության և մետալուրգիայի դեպարտամենտի վարիչ, 2003 թվականից՝ ՀՊՃՀ պրոռեկտոր։ 2006-2011 թվականներին եղել է ՀՊՃՀ Գիտատեխնիկական խորհրդի նախագահ: 2009-2011 թվականներին համատեղության կարգով եղել է ՀՊՃՀ Մետալուրգիայի և նյութագիտության ամբիոնի վարիչ, 2011-2015 թվականներին՝ ՀՊՃՀ (այժմ՝ ՀԱՊՀ) Կրթական ծրագրերի և ուսումնամեթոդական հարցերի մշտական հանձնաժողովի նախագահ:

Աշխատանքները վերաբերում են մետաղագիտության, մետաղների ջերմային մշակման, նյութերի ստեղծման հարցերին։ Համահեղինակ է «Հատուկ պողպատներ և համաձուլվածքներ» (2003) ուսումնական ձեռնարկի[1]:

Անդամակցություն[խմբագրել | խմբագրել կոդը]

  • Նյու-Յորքի գիտությունների ակադեմիայի իսկական անդամ (1995)
  • Հայաստանի ճարտարագիտական ակադեմիայի իսկական անդամ (2010)
  • ՀՊՃՀ կառավարման Խորհրդի անդամ (2008-2014)
  • Գորիսի պետական համալսարանի կառավարման Խորհրդի անդամ
  • ՀՀ ԿԳ նախարարության Գիտության պետական կոմիտեի «Ճարտարագիտություն և տեխնոլոգիաներ» հանձնաժողովի անդամ
  • «Ճշգրիտ և բնական գիտություններ»-ի բնագավառում ՀՀ պետական մրցանակներ շնորհող հանձնաժողովի անդամ
  • ՀՀ ՊՆ ռազմատեխնիկական և գիտատեխնիկական խորհրդին կից «Մեքենաշինություն» ենթահանձնաժողովի նախագահ է, իսկ 2016 թվականից՝ անդամ
  • ՀՀ ԳԱԱ և ՀՊՃՀ, իսկ 2015 թվականից՝ ՀՀ ԳԱԱ և ՀԱՊՀ տեղեկագրի խմբագրական կոլեգիայի անդամ
  • Հայաստանի ճարտարագիտական ակադեմիայի «Լրաբեր» և «Հանքագործ և մետալուրգ» հանդեսների խմբագրական կոլեգիաների անդամ

Պարգևներ[խմբագրել | խմբագրել կոդը]

  • ՀՀ ԿԳ նախարարության ոսկե մեդալ (2003)
  • ՌԴ Ազգային ակադեմիայի տիեզերագնացության ֆեդերացիայի ակադեմիկոս Ա. Ֆ. Բելովի անվան Ոսկե մեդալ (2006)
  • ՀՀ նախագահի շնորհակալագիր (2008)
  • ՀՀ գիտության վաստակավոր գործչի պատվավոր կոչում (2010)

Երկեր[խմբագրել | խմբագրել կոդը]

  • Մետալուրգիական գործընթացների հավասարակշռության թերմոդինամիկա, Երևան, 1999 (համահեղինակ)։
  • Նյութագիտություն: Լաբորատոր աշխատանքների մեթոդական ցուցումներ, Հայաստանի Հանրապետության կրթության և գիտության նախարարություն, Հայաստանի պետական ճարտարագիտական համալսարան, Երևան, ՀՊՃՀ հրատարակչություն, 2001:
  • Հատուկ պողպատներ և համաձուլվածքներ: Ուս. ձեռնարկ, ՀՀ կրթության և գիտության նախարարություն, Հայաստանի պետական ճարտարագիտական համալսարան, Ընդերքաբանության և մետալուրգիայի դեպարտամենտ, Երևան, ՀՊՃՀ հրատարակչություն, 2003 (համահեղինակ):
  • Նլութագիտություն: Ճարտարագիտական մասնագիտությունների լաբորատոր աշխատանքների մեթոդական ցուցումներ, Հայաստանի Հանրապետության կրթության և գիտության նախարարություն, Հայաստանի պետական ճարտարագիտական համալսարան, Երևան, ՀՊՃՀ հրատարակչություն, 2004:
  • Բյուրեղագրություն և մետաղների բյուրեղային ցանցի արատներ, 2005, տիտղթ. (Ս. Գ. Աղբալյան):
  • Վոլֆրամամոլիբդենային արագահատ պողպատներ և դրանց ջերմային մշակումը: Մենագրություն, Հայաստանի Հանրապետության կրթության և գիտության նախարարություն, Հայաստանի պետական ճարտարագիտական համալսարան (Պոլիտեխնիկ), Երևան, ՀՊՃՀ հրատարակչություն, 2006 (համահեղինակ):
  • Մետաղագրություն: Ուսումնական ձեռնարկ, Հայաստանի Հանրապետության կրթության և գիտության նախարարություն, Հայաստանի պետական ճարտարագիտական համալսարան (Պոլիտեխնիկ), Ընդերքաբանության և մետալուրգիայի ֆակուլտետ, Մետալուրգիայի և նյութագիտության ամբիոն, Երևան, «Ճարտարագետ», 2011 (համահեղինակ):
  • Հատուկ պողպատներ և համաձուլվածքներ: Լաբորատոր աշխատանքների մեթոդական ցուցումներ, Ընդերքաբանության և մետալուրգիայի ֆակուլտետ, Մետալուրգիայի և նյութագիտության ամբիոն, Երևան, «Ճարտարագետ», 2016 (համահեղինակ):
  • Նյութագիտություն: Լաբորատոր աշխատանքների մեթոդական ցուցումներ, Հայաստանի ազգային պոլիտեխնիկական համալսարան, Ընդերքաբանության և մետալուրգիայի ֆակուլտետ, Մետալուրգիայի և նյութագիտության ամբիոն, Երևան, «Ճարտարագետ», 2017 (համահեղինակ):

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005