Սրբոց Վարդանանց եկեղեցի (Ախալցխա)
- Անվան այլ կիրառումների համար տե՛ս՝ Սուրբ Վարդանանց եկեղեցի
Սրբոց Վարդանանց եկեղեցի | |
---|---|
Հիմնական տվյալներ | |
Երկիր | Վրաստան |
Տեղագրություն | Վրաստան Ախալցխա Սուրբ Նշան բլուր |
Օծման թվական | 1863 |
Ճարտարապետական ոճ | հայկական ճարտարապետություն |
Կառուցման ավարտ | 1868 |
Սրբոց Վարդանանց եկեղեցի կամ Սուրբ Նշան, Վրաստանի Ախալցխա քաղաքի Մարդա թաղամասում, Սուրբ Նշան բլրի վրա, երբեմնի Զարեհնու Սուրբ Նշան եկեղեցու (հիշատակված 17-րդ դարում) տեղում։
Պատմություն[խմբագրել | խմբագրել կոդը]
Կառուցումը սկսվել է 1862 թվականի մարտին, Ախալցխայի առաջնորդական փոխանորդ Գրիգոր վարդապետ Սագինյանի նախաձեռնությամբ և մեծահարուստ մահտեսի Վարդան Վարդանյանցի հովանավորությամբ։ Օծումը և անվանակոչությունը տեղի են ունեցել 1863 թվականին, իսկ շինարարական աշխատանքները վերջնականապես ավարտվել են 1868 թվականին։
Եկեղեցին 3 մուտքերով, կենտրոնագմբեթ, ութանիստ մույթերով, արևմուտքից կից՝ եռահարկ, իսկ ճակտոնների գագաթներին՝ քառասյուն փոքր զանգակատներով կառույց է։ Ներսում կան երկու մույթեր, իսկ խորանի 2 կողմերում՝ մեկական ավանդատուն։ 1887 թվականին եկեղեցու բակում ամփոփվել է Ախալցխայի պատվավոր քաղաքացի, մեկենաս Վարդան Վարդանյանցի, ավելի ուշ՝ նաև նրա կնոջ աճյունը[1]։
Ծանոթագրություններ[խմբագրել | խմբագրել կոդը]
- ↑ Հայկական հանրագիտարանի գլխ. խմբ., Քրիստոնյա Հայաստան հանրագիտարան, Երևան, «Հայկական Հանրագիտարան հրատարակչություն ՊՈԱԿ», 2002, էջ 27 — 1072 էջ, ISBN 5-89700-016-6։