Սուրբ Սերաֆիմ Սարովսկու տաճար (Դոնի Ռոստով)
| Սուրբ Սերաֆիմ Սարովսկու տաճար ռուս.՝ Храм Преподобного Серафима Саровского | |
|---|---|
 | |
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Դոնի Ռոստով |
| Դավանանք | ուղղափառություն |
| Թեմ | Ռոստովի և Նովոչերկասկի թեմ |
| Հիմնական ամսաթվերը | 1904 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
| Հիմնադրված | 1904 |
 | |
 | |
 Saint Seraphim of Sarov church, Rostov-on-Don Վիքիպահեստում | |
Սուրբ Սերաֆիմ Սարովսկու տաճար (ռուս.՝ Храм Преподобного Серафима Саровского), ուղղափառ տաճար Ռուսաստանի Դոնի Ռոստով քաղաքում։ Ենթարկվում է Ռուս Ուղղափառ եկեղեցու Մոսկվայի պատրիարքարանի Ռոստովի և Նովոչերկասկի թեմին։ Կառուցվել է Գնիլովսկայա գյուղում 1904-1911 թվականների միջև ճարտարապետ Բ. Ա. Ռայչենկովի նախագծով։
Պատմություն[խմբագրել | խմբագրել կոդը]
Սուրբ Սերաֆիմի եկեղեցու կառուցման պատմությունը սկսվում է 19-րդ դարի վերջից, երբ 1899 թվականի աշնանը Գնիլովսկայայի Երրորդության տաճարի վանահայրը դիմել է Դոնի և Նովոչերկասկի արքեպիսկոպոս Աֆանասիին՝ նոր տաճարի շինարարության համար թույլտվություն ստանալու խնդրանքով։ Միջոցներ հավաքագրելու համար ստեղծվել է հոգաբարձուների կոմիտե կազակ Գրիգորի Պետրովի նախագահությամբ։ 1903 թվականի հուլիսին Գնիլովսկայայի գյուղական հավաքը տեղ հատկացրեց շինարարության համար[1]։
Գնիլովսկայայի ուղղափառ բնակիչները Ռուսաստանում առաջիններից 1904 թվականին սկսեցին տաճար կառուցել հանուն վերապատվելի սուրբ Սերաֆիմ Սարովսկու, որը, ըստ Ռուս Ուղղափառ եկեղեցու, հսկայական բարերար ազդեցություն է գործել ռուս ժողովրդի վրա։ 1911 թվականին տաճարի շինարարությունն ավարտվել է շնորհիվ ծխականների կամավոր նվիրատվությունների[1]։ 1911 թվականի դեկտեմբերի 4-ին Ակսայի շրջանի գործակալ, ավագ երեց Ալեքսանդր Գրիգորևը կատարել է Սուրբ Սերաֆիմ Սարովսկու նորակառույց տաճարի հանդիսավոր օծումը[1]։
Խորհրդային իշխանության հաստատումից հետո՝ 1922 թվականին, Պովոլժիեի սովյալների օգնելու պատրվակով, Սուրբ Սերաֆիմ Սարովսկու տաճարից առգրավվել են արծաթյա և ոսկյա եկեղեցական առարկաները։ Եկեղեցին փակվել է 1937 թվականին, բայց հետո ժամերգությունները վերսկսվել են 1942 թվականին և շարունակվել մինչև 1956 թվականը[1]։
1959-1960 թվականներին տաճարը վերափոխվել է Միխայիլ Գլինկայի անվան երաժշտական դպրոցի[1]։
1992 թվականի աշնանը ուղղափառ ռոստովցիների հիմնադրած Սուրբ Սերաֆիմի ծխական համայնքը հայր Սերգի Ռազումցևի ղեկավարությամբ և «Գնիլովսկայա ստանիցայի կազակների միությունը» սկսեցին գործողություններ Սուրբ Սերաֆիմ Սարովսկու տաճարին նախկինում պատկանած շենքերը վերադարձնելու ուղղությամբ։ 1995 թվականի հունվարից Սերաֆիմ Սարովսկու եկեղեցու վերականգնման աշխատանքներն իր հովանու տակ է վերցրել Ռոստովի և Նովոչերկասկի եպիսկոպոս Պանտելեիմոնը։ 2004 թվականի սեպտեմբերի 14-ին նա օծել է արդեն ամբողջությամբ վերստին վերակառուցված տաճարը։ Հոգևոր հովվի, կղերի, հոգաբարձուների խորհրդի և ծխի բոլոր անդամների աստիճանական ջանքերով շարունակվել են աշխատանքները նաև տաճարի ներքին ձևավորումն ավարտին հասցնելու ուղղությամբ[1]։