Սուրբ Մեսրոպ եկեղեցի (Ռաշթ)

Վիքիպեդիայից՝ ազատ հանրագիտարանից
Jump to navigation Jump to search
Սուրբ Մեսրոպ եկեղեցի
Saint Mesrop Church in Rasht.jpg
Եկեղեցու գմբեթներ
Հիմնական տվյալներ
Տեսակեկեղեցի
ԵրկիրԻրան Իրան
ՏեղագրությունԳիլան և Ռաշթ
ԹեմԹեհրանի թեմ (Կիլիկիո Կաթողիկոսություն)
Ներկա վիճակգործող
Ճարտարապետական նկարագրություն
Ճարտարապետական տիպբազիլիկա
Կառուցման ավարտ1954
Գմբեթ2 հատ
Կոորդինատներ: 37°16′9.170400099993″ հս․ լ. 49°35′43.375200100003″ ավ. ե. / 37.26921400002777318° հս․. լ. 49.59538200002777586° ավ. ե. / 37.26921400002777318; 49.59538200002777586
HS Disambig.svg Անվան այլ կիրառումների համար տե՛ս՝ Սուրբ Մեսրոպ եկեղեցի (այլ կիրառումներ)

Սուրբ Մեսրոպ, հայ առաքելական եկեղեցի Իրանի Ռաշթ քաղաքում: Պատկանում է Մեծի Տանն Կիլիկիո կաթողիկոսության Թեհրանի թեմին: Գտնվում է Սաադի փողոցի վրա:

Պատմություն[խմբագրել | խմբագրել կոդը]

Ռաշթ քաղաքում հայերի հաստատման մասին առաջին տեղեկությունները 17-րդ դարի են. հայեր սկսել են այստեղ հաստատվել շահ Աբբաս I Սեֆիի կազմակերպած բռնագաղթի հետևանքով: Հայերի առավել մեծ խմբեր այստեղ հաստատվում են 19-րդ դարի կեսերին, երբ Կասպից ծովը դառնում է առևտրական կարևոր հանգույց Ռուսական կայսրության և շահական Իրանի միջև[1]: Սուրբ Մեսրոպ եկեղեցու շինարարական աշխատանքները սկսում են 1872, ավարտվում 1879 թվականին: Գրիգորիս արքեպիսկոպոսն այն օծել է ինը տարի անց՝ հունիսի 31-ին: 1920 թվականին Ռաշթի շուկայի հրդեհի հետևանքով ոչնչացել է:

Հայերն ակտիվ մասնակցություն են ունենում Իրանի սահմանադրական հեղափոխության տարիներին (1905-1911)[2]: Նոր հաստատված հայերը ցանկանում են վերանորոգել եկեղեցին, բայց ավելի ուշ որոշում են կառուցել նորը[3]: Եկեղեցու շինարարությունը սկսել է 1954 թվականին, օծվել է 1966 թվականի օգոստոսի 14-ին՝ Արտակ արքեպիսկոպոս Մանուկյանի ձեռամբ[4]:

2016 թվականին սուրբ Մեսրոպ եկեղեցի է այցելել ՀՀ դեսպան Արտաշես Թումանյանը[5], պարբերաբար այստեղ և Էնզելիի սուրբ Աստվածածին եկեղեցի ուխտագնացությունների է մեկնում Թեհրանի թեմի առաջնորդ Սեպուհ արքեպիսկոպոս Սարգսեանը[6][7]:

Ճարտարապետություն[խմբագրել | խմբագրել կոդը]

Սուրբ Մեսրոպն ունի երկու գմբեթ: Զանգակատունը գտնվում է արևելյան կողմում: Գլխավոր գմբեթի պատուհանները տասներկուսն են: Ներսում դրված են Մարիամ Աստվածածնի, Հիսուս Քրիստոսի նկարները:

Եկեղեցու կողքին կառուցված է նաև հայկական դպրոց, որն այժմ ծառայում է կրոնական կառույցին: Հայերի թվի խիստ նվազման պատճառով դպրոցը չի գործում:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]