Սուրբ Գևորգ եկեղեցի (Մարմարաշեն)
- Անվան այլ կիրառումների համար տե՛ս՝ Սուրբ Գևորգ եկեղեցի (այլ կիրառումներ)
Սուրբ Գևորգ եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Հայաստան |
Տեղագրություն | Հայաստան Արարատի մարզ, Մարմարաշեն |
Դավանանք | Հայ Առաքելական Եկեղեցի |
Թեմ | Արարատյան Հայրապետական թեմ |
Հոգևոր կարգավիճակ | Գործող |
Ներկա վիճակ | Կանգուն |
Ճարտարապետ | Հրաչյա Գասպարյան |
Ճարտարապետական ոճ | հայկական ճարտարապետություն |
Կառուցման սկիզբ | 2001 |
Կառուցման ավարտ | 2002, նոյեմբերի 4 |
Հիմնադրված | 2001 |
Սուրբ Գևորգ եկեղեցի, Հայ Առաքելական եկեղեցի Արարատի մարզի Մարմարաշեն գյուղում։
Պատմություն[խմբագրել | խմբագրել կոդը]
Սուրբ Գևորգ եկեղեցին գտնվում է Մարմարաշեն գյուղի մեջ։ Կառուցման աշխատանքներն սկսվել են 2001 թվականին։ Եկեղեցու օծման արարողությունը տեղի է ունեցել 2002 թվականի նոյեմբերի 4-ին Ն.Ս.Օ.Տ.Տ Գարեգին Բ Ամենայն Հայոց կաթողիկոսի կողմից։ Նավասարդ սրբազանն օծել է եկեղեցու սյուները և Սուրբ Մկրտության սեղանը։
Սուրբ Գևորգ եկեղեցու ճարտարապետն է Հրաչյա Գասպարյանը։ Եկեղեցին կառուցվել է մոսկվաբնակ բարերար Սերգեյ Ղազարյանի աջակցությամբ, նախաձեռնող՝ Վոլոդյա Սարոյան[1]։
Եկեղեցին գմբեթավոր է, բեմն՝ առանց հարդարանքի, ներքուստ՝ կլոր, արտաքուստ բազմանիստ թմբուկով և վեղարով է, պատուհանները կորագիծ են։ Եկեղեցին ունի երկու մուտք՝ արևմտյան և հարավային։ Եկեղեցու ամբողջ տարածքը ցանկապատված է։ Եկեղեցու պարիսպը և «Սուրբ առաքելոց խորանը» (Առաքյալների խորան եկեղեցու հյուսիսային մասում) կառուցվել է ռուս Վիկտոր Վարչենկոյի աջակցությմաբ։ Բակում կան խաչքարեր՝ նվիրված 1915 թվականի մեծ եղեռնի և 1988 թվականի երկրաշարժի զոհերի հիշատակին։
Սուրբ Գևորգ եկեղեցու հյուսիսային կողմում կանգնեցված է Քրիստոսի 12 աշակերտների անունը կրող «Սուրբ առաքելոց» խորանը։
Պատկերասրահ[խմբագրել | խմբագրել կոդը]
-
Սուրբ Գևորգ եկեղեցու դուռը
-
«Սուրբ առաքելոց» խորանը
-
Արագիլներ Սուրբ Գևորգ եկեղեցու բակում
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Գևորգ եկեղեցի (Մարմարաշեն) կատեգորիայում։ |