Սուրբ Աստվածածին եկեղեցի (Արևշատ)
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
| Սուրբ Աստվածածին եկեղեցի | |
|---|---|
 Սուրբ Աստվածածին եկեղեցի | |
| Հիմնական տվյալներ | |
| Տեսակ | կրոնական կառույց |
| Երկիր |  Հայաստան |
| Օծման թվական | 2006, հուլիսի 23 |
| Ներկա վիճակ | գործող |
| Ճարտարապետ | Դավիթ Քերթմենջյան |
| Ճարտարապետական ոճ | Հայկական |
Սուրբ Աստվածածին եկեղեցի, Հայ առաքելական եկեղեցի Հայաստանի Արարատի մարզի Արևշատ գյուղում։ Ընդգրկված է Արևշատի պատմության և մշակույթի անշարժ հուշարձանների ցանկում։
Պատմություն[խմբագրել | խմբագրել կոդը]
Արարատի մարզի Արևշատ գյուղի Սուրբ Մարիամ Աստվածածին եկեղեցին և բակում տեղադրված խաչքարը օծվել են 2006 թվականի հուլիսի 23-ին՝ Հիսուս Քրիստոսի Պայծառակերպության՝ Վարդավառի տոնին, Արարատյան Հայրապետական թեմի առաջնորդական փոխանորդ Տեր Նավասարդ արքեպիսկոպոս Կճոյանի կողմից[1]։
Սուրբ Մարիամ Աստվածածին եկեղեցին կառուցվել է նախկին համանուն եկեղեցու ավերակների վրա։ Գյուղի հին բազիլիկ եկեղեցին կառուցվել էր դեռևս 1890-ական թվականներին, այնուհետև վերակառուցվել ու օծվել 1903 թվականին։ 1937 թվականին, անհատի պաշտամունքի տարիներին, եկեղեցին փակվել էր և աստիճանաբար խոնարհվել։
Եկեղեցու բարերարը ծնունդով արևշատցի Սամվել Դավթյանն է։ 2005 թվականին ճարտարապետ Դավիթ Քերթմենջյանի նախագծով կարճ ժամանակամիջոցում կառուցվել են գմբեթավոր եկեղեցին՝ իր զանգակատնով[2]։