Սուրբծննդյան պատմություն (ֆիլմ, 2009)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Սուրբծննդյան պատմություն
անգլ.՝ A Christmas Carol
ԵրկիրFlag of the United States.svg ԱՄՆ
Ժանրֆենթեզի ֆիլմ, հումորային դրամա, սուրբծննդյան ֆիլմ, գրական ստեղծագործության էկրանավորում, դրամա և մուլտֆիլմ
Թեմաճանապարհորդություն ժամանակով
ՀիմքՍուրբծննդյան երգ
Թվականնոյեմբերի 3, 2009[1], նոյեմբերի 6, 2009[2][3], նոյեմբերի 5, 2009[4][5] և հունիսի 11, 2009
Լեզուանգլերեն
ՌեժիսորՌոբերտ Զեմեկիս
ՊրոդյուսերՌոբերտ Զեմեկիս, Ջեք Ռապկե և Սթիվ Ստարկի
Սցենարի հեղինակՌոբերտ Զեմեկիս
ԵրաժշտությունԱլան Սիլվեստրի
Պատմվածքի վայրԼոնդոն
ԿինոընկերությունWalt Disney Pictures և ImageMovers
Տևողություն96 րոպե
Շահույթ325 300 000 $[6]
Պաշտոնական կայքէջ

«Սուրբծննդյան պատմություն» (անգլ.՝ A Christmas Carol), Չարլզ Դիքենսի «Սուրբծննդյան երգը արձակ ոճում» (1843 թվական) ստեղծագործության էկրանավորում։ Ֆիլմի ռեժիսորն ու սցենարիստը Ռոբերտ Զեմեկիսն է։

Սյուժե[խմբագրել | խմբագրել կոդը]

Այս վիկտորյական ուսուցողական պատմությունը ծեր ու դաժան ժլատ Էբենեզեռ Սկրուջի մասին է, ով ատում էր ուրախությունն ու տոները, որ մեկ գիշերվա ընթացքում փոխվում է մնացյալ ամբողջ կյանքը։ Մեկ գիշերվա ընթացքում Էբենեզերի մոտ են գալիս երեք ուրվականներ։ Անցյալի Սուրբ ծննդյան ոգին Սկրուջին տանում է այն վայրերը, որտեղ նա ծնվել է, և ցույց է տալիս նրան անցած իրադարձությունները, նաև իր կարծրացած տրամադրվածության պատճառով ընկերուհու հետ բաժանումը։

Ներկայի Սուրբ ծննդյան ոգին թույլ է տալիս Սկրուջին տեսնել, թե ինչպես է իր կլերկը՝ Բոբ Կրեթչիթը, ով ապրում է աղքատության մեջ և հնարավոր է՝ չկարողանա նշել մյուս տոնը իր շատ թույլ և դժվարությամբ քայլող տղայի Տիմի հետ, նշում Սուրբ Ծնունդը։ Սկրուջը տեսնում է Սուրբ ծննդյան տոնակատարությունը իր զարմիկ Ֆրեդի տանը, ով Սկրուջին համեմատում էր ավանակի հետ։ Սակայն Ֆրեդը և իր հյուրերը կենաց են խմում հորեղբայր Սկրուջի համար։ Եկող Սուրբ ծննդյան ոգին թերևս ամենաչարագույժն է։ Նա Սկրուջին ցույց է տալիս շատ մարդկանց, ովքեր խոսում են ինչ-որ ծերուկի մահվան մասին, ով եղել է շատ ժլատ ու բոլորի կողմից չսիրված։

Ոգին Էբենեզերին կրկին տանում է իր կլերկի տուն. Տիմը մահացել է, քանի որ չէր կարողացել օգնություն ստանալ։ Սկրուջը կրկին հայտնվում է հնավաճառի տանը, որտեղ տեսնում է, թե ինչպես են վաճառվում բոլոր ապրանքները, որոնք մինչև վերջին վերնաշապիկը գողացվել են հանգուցյալից։ Ճանապարորդության վերջում Էբենեզերը հարցնում է, թե ով է եղել այդ հանգուցյալը, ում մասին խոսում էին բոլոր մարդիկ։ Մի պահ նա հայտնվում է գերեզմանոցում սառած տապանաքարի մոտ և հասկանում է, որ այդ հանգուցյալը հենց ինքն է։ Ուրվականը ամսաթվից մաքրում է ձյունը, բայց Սկրուջը աղաչում է նրան հնարավորություն տալ և խնդրում է ցույց չտալ տարեթիվը։ Նա խոստանում է, որ կփոխվի, բայց հանկարծ հողը գնում է իր ոտքի տակից, և Սկրուջը ընկնում է դագաղի մեջ։

Մի պահ մթնում է։ Էբենեզերը բացում է աչքերը և հասկանում, որ պառկած է իր տանը՝ հատակին։ Սկրուջը սկսում է բարձր ծիծաղել, դուրս է վազում փողոց և ամեն հանդիպած մարդուն շնորհավորում է Սուրբ ծննդյան կապակցությամբ։ Նա ամենամոտ խանութից գնում է ամենամեծ հնդկահավը և սայլակառքով ուղարկում է իր աշխատողի տուն։ Գիշերը նա գալիս է իր զարմիկի տուն, երբ ամբողջ ընտանիքը տոնական սեղանի շուրջ հավաքված էր։ Նրան ուրախությամբ ընդունում են, իսկ նա անցկացնում է հրաշալի, իսկական Սուրբ ծննդյան գիշեր։ Առավոտյան նա գնում է աշխատանքի և նախատում է Բոբին ուշանալու պատճառով։ Նա ներողություն է խնդրում, բայց Սկրուջը շատ խիստ տոնայնությամբ հայտարարում. «Իմ հրեշտակային համբերությանը վերջ է եկել ... և դրա համար ես բարձրացնում եմ ձեր աշխատավարձը»։

Այդ խոսքերից հետո նա ի սրտե ծիծաղում է։ Պարոն Կրեթչիթը ոչինչ չի հասկանում, իսկ Սկրուջը ուղարկում է նրան ածխի խանութ. առաջ նա ժլատություն էր անում ջեռուցման համար։

Ֆիլմն ավարտվում է նրանով, որ Բոբը եզրափակիչ ելույթ է ունենում, կարծես հեղինակի խոսքի նման։ Դրանից մենք հասկանում ենք, որ տղա Տիմը լիովին կազդուրվել է, իսկ Սկրուջը դարձել է նրա երկրորդ հայրը։ Ֆիլմն ավարտվում է Տիմի խոսքերով. «Տե՜ր Աստված, պահպանի՛ր բոլոր մարդկանց»։

Դերերում[խմբագրել | խմբագրել կոդը]

  • Ջիմ ՔերրիԱնցյալ Սուրբ ծննդյան ոգի/Սկրուջը մանկության ժամանակ/Սկրուջը պատանեկության ժամանակ/Սկրուջը հասունության ժամանակ/Իսկական Սուրբ ծննդյան ոգի/Եկող Սուրբ ծննդյան ուրվական
  • Կերի Էլվես[7]1-ին ներկայացուցիչ ջենտլմեն/Դիկ Ուիլկինս/խենթ ջութակահար/2-րդ հյուր./1-ին բիզնեսմեն
  • Քոլին Ֆերտ[8]Ֆրեդ
  • Բոբ Հոսկինս[8]Պարոն Ֆեզվիգիգ/ծեր Ջո
  • Գարի Օլդմեն[8] — Բոբ Կրետչիտ/Ջեյկոբ Մարլի/Տիմ Կրետչիտ
  • Ռոբին Ռայթ[8]Բել, Սկրուջի հարս (նրա անունը չի հիշատակվում)\Ֆաննի, Սկրուջի քույր
  • Մենվիլ Լենսի — տիկին Կրետչիտ
  • Դերիլ Սաբարա — սատանայի աշակերտը/Պիտեր Կրետչիտ/դրվագային կերպարներ
  • Սուրբ ծննդյան հիմն «Աստված փրկի (օրհնի) բոլոր մարդկանց» (Աստված օրհնի մեզ բոլորից) իտալացի տենորի կատարմամբ։

Արտադրություն[խմբագրել | խմբագրել կոդը]

Դեռ ֆիլմի նկարահանումներից առաջ Զեմեկիսն ասում էր, որ Դիքենսի «Սուրբ ծննդյան երգը» ժամանակի մեջ ճանապարհորդության մասին իր սիրած պատմություններից մեկն է[9]։

Այդ եռաչափ ֆիլմը ստեղծվել է շարժման տեխնոլոգիայի օգտագործման միջոցով, որը Զեմեկիսը օգտագործեց իր հաջորդ «Բևեռային էքսպրես» (2004 թվական) և «Բեովուլֆ» (2007 թվական) ֆիլմերում[10]։

Ֆիլմի գլխավոր դերը կատարեց Ջիմ Քերրին՝ ներառյալ Էբենեզեր Սքրուջի դերը երիտասարդության, հասունության և ծերության տարիներին, ինչպես նաև երեք ուրվականների դերերում, ովքեր երևում են Սկրուջին[10]։ Ինչպես նշել է հենց ինքը՝ Ջիմ Քերրին, ֆիլմի սցենարը մոտ է գրքին և գլխավոր հերոսի կյանքի չորս տարբեր փուլերը դերասանից պահանջեցին վոկալային և ֆիզիկական մեծ աշխատանք[11]։ Դրանով Քերին փորձեց հնարավորինս ճշգրիտ կերպով փոխանցել անգլերեն և իռլանդերեն շեշտադրումները՝ հույսը դնելով Մեծ Բրիտանիայում ֆիլմի բարենպաստ ընդունման վրա[11]։

«Սուրբ ծննդյան պատմությունները» ֆիլմի նկարահանումները սկսվել են 2008 թվականի փետրվարին, իսկ ֆիլմի թողարկումը տեղի ունեցավ ԱՄՆ-ում 2009 թվականի նոյեմբերի 6-ին[12]։

Ռուսական կրկնօրինակում[խմբագրել | խմբագրել կոդը]

Ֆիլմը կրկնօրինակվել է 2009 թվականին «Նեվաֆիլմ» կինոհեռուստաընկերության կողմից «Disney Character Voices International» ընկերության պատվերով[13]։

  • Կրկնօրինակման ռեժիսոր — Տատիանա Մալնիկովա
  • Թարգմանիչ և սինխրոն տեքստի հեղինակ — Միխայիլ Չերեպնին
  • Տեքստի երգի հեղինակ — Ելենա Ստավրոգինա

Կրկնօրինակման դերերում[խմբագրել | խմբագրել կոդը]

  • Ալեքսանդր Ֆիլիպենկո — Սկրուջ
  • Անդրեյ Լևին — Անցյալ Սուրբ ծննդի ոգի/Սկրուջը պատանեկության տարիներին
  • Արտյոմ Վեսելով — Ֆրեդ
  • Անատոլիյ Դուբանով — պարոն Ֆեզիվիգ
  • Նիկոլայ Ֆեդորցով — Ծեր Ջո
  • Մաքսիմ Սերգեև — Բոբ Կրետչիտ
  • Եվգենիա Իգումնովա — Բելլ
  • Գալինա Չիգինսկայա — տիկին Կրետչիտ
  • Յուրի Լազարև — Մարլի
  • Վադիմ Ռոմանով — Եկող Սուրբ ծննդի ոգին/Սկրուջը հասունացման տարիքում


Ծանոթագրություններ[խմբագրել | խմբագրել կոդը]

  1. https://www.gettyimages.co.uk/license/92634530
  2. http://www.boxofficemojo.com/movies/?id=christmascarol09.htm
  3. http://www.sfi.se/sv/svensk-filmdatabas/Item/?itemid=68872&type=MOVIE&iv=Basic
  4. Internet Movie Database — 1990.
  5. http://nmhh.hu/dokumentum/158984/2009_filmbemutatok_osszes.xls
  6. Box Office Mojo — 1999.
  7. Byron Perry (2007-12-09)։ «Cary Elwes» (անգլերեն)։ Variety։ Արխիվացված է օրիգինալից 2019-02-09-ին։ Վերցված է 2019-02-08 
  8. 8,0 8,1 8,2 8,3 New Christmas Carol Cast Members
  9. Making the Trilogy: Part 1 featurette on the Back to the Future Trilogy DVD box set.
  10. 10,0 10,1 Michael Fleming (2007-07-06)։ «Jim Carrey set for 'Christmas Carol'» (անգլերեն)։ Variety։ Վերցված է 2019-02-08 
  11. 11,0 11,1 «In the Future: Jim Carrey»։ ComingSoon.net (անգլերեն)։ 2008-03-07։ Վերցված է 2019-02-08 
  12. Pamela McClintock (2008-02-07)։ «Studios rush to fill ’09 schedule» (անգլերեն)։ Variety։ Վերցված է 2019-02-08 
  13. Данные о русском дубляже, представленные на DVD и Blu-ray после показа фильма