Սուսաննա Բաղդասարյան (դերասանուհի)
Սուսաննա Բաղդասարյան | |
---|---|
Ծնվել է | դեկտեմբերի 15, 1968 (55 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Կրթություն | Եղիշե Չարենցի անվան թիվ 67 դպրոց (1984) և Երևանի պետական գեղարվեստա-թատերական ինստիտուտ (1988) |
Քաղաքացիություն | ԽՍՀՄ և Հայաստան |
Մասնագիտություն | դերասանուհի |
Սուսաննա Սուրենի Բաղդասարյան (դեկտեմբերի 15, 1968, Երևան, Հայկական ԽՍՀ, ԽՍՀՄ), հայ դերասանուհի։
Կենսագրություն[խմբագրել | խմբագրել կոդը]
Ծնվել է դեկտեմբերի 15-ին, Երևանում։ 1974-1984 թվականներին սովորել է Երևանի Եղիշե Չարենցի անվան թիվ 67 դպրոցում։ 1984-1988 թվականներին ուսանել է Երևանի գեղարվեստա-թատերական ինստիտուտում[1] (Ալեքսանդր Քոչարյանի արվեստանոց)։
Առաջին անգամ կապույտ էկրանին հայտնվել է 9 տարեկանում (Էքզյուպերի՝ «500 միլիոն զանգակ», ռեժ.՝ Ա. Բայաթյան), թատրոնում՝ 14 տարեկանից (Օստրովսկու՝ «Գարնանը կվերադառնամ», ռեժ.՝ Ե. Ղազանչյան)։ Ներկայացումներով հանդես է եկել Իրանում, Թուրքիայում, Բուլղարիայում, Լեհաստանում, Մակեդոնիայում, Ռուսաստանում, Ուկրաինայում, Ֆրանսիայում, Շվեյցարիայում։ Խաղացել է Պատանի հանդիսատեսի թատրոնում, Հ. Պարոնյանի անվան երաժշտական կոմեդիայի պետական թատրոնում, Էդգար Էլբակյանի անվան «Օրիոն» թատրոնում, Երևանի Մհեր Մկրտչյան արտիստական թատրոնում։
Թատրոն[խմբագրել | խմբագրել կոդը]
- Ու. Շեքսպիր - Համլետ - Օֆելյա / ռեժ.՝ Հ. Ղազանչյան
- Սոփոկլես - Անտիգոնե - Անտիգոնե / ռեժ.՝ Հ. Ղազանչյան
- Թ. Ուիլյամս - Ապակե գազանանոց - Լաուրա / ռեժ.՝ Ա. Էլբակյան
- Ֆ. Դյուրենմաթ - Ֆիզիկոսներ - Մոնիկա Շտետլեր / ռեժ.՝ Ա. Էլբակյան
- Ա. Չեխով - Առաջարկություն - Նատալյա Ստեպանովնա / ռեժ.՝ Ն. Բոխյան
- Պ. Բոմարշե - Ֆիգարոյի ամուսնությունը - Ֆանշետ / ռեժ.՝ Ն. Ծատուրյան
- Կոսսա - Պետք չէ ողբալ - հարս / ռեժ.՝ Հ. Ղազանչյան
- Կոսսա - Տատը - թոռնուհի / ռեժ.՝ Հ. Ղազանչյան
- Վ. Պետրոսյան - Դեղատուն «Անի» - Անի / ռեժ.՝ Հ. Ղազանչյան
- Ս. Հարությունյան - Ծիպիլին, Տիմբական և ծիծաղը - Մանուշ / ռեժ.՝ Զ. Տատինցյան
- Ն. Դուրյան - Զոքանչը Փարիզից / ռեժ.՝ Ն. Դուրյան
- Ս. Բաղդասարյան - Ապրել եմ ուզում (մենաներկայացում)[2] / ռեժ.՝ Հ. Ղազանչյան և այլն։
Հեռուստաթատրոն[խմբագրել | խմբագրել կոդը]
- Դինա Ռուբինա - Երբ է գալու ձյունը - Նինա / ռեժ.՝ Օ. Մելիք-Վրթանեսյան
- Օ. Հենրի - Վերջին տերևը
Ֆիլմագրություն[խմբագրել | խմբագրել կոդը]
- Հեռուստասերիալ «Կարմիր բլուր» - Լորետա / ռեժ.՝ Գ. Սարգսյան
- Հեռուստասերիալ «Կախվածություն» - Լարիսա / ռեժ.՝ Ռ. Հովհաննիսյան
Ծանոթագրություններ[խմբագրել | խմբագրել կոդը]
- ↑ «ПУТЬ ДОМОЙ СУСАННЫ БАГДАСАРЯН». golosarmenii.am. Վերցված է 2018 թ․ հունիսի 24-ին.
- ↑ ««ԱՐՄՄՈՆՈ- 2016»-Ի ՄԱՍՆԱԿԻՑՆԵՐԸ ԴՐՍՈՒՄ ՀԱՋՈՂՈՒԹՅՈՒՆՆԵՐ ԵՆ ԳՐԱՆՑԵԼ». ARMMONO.com - International festeval (ռուսերեն). Արխիվացված է օրիգինալից 2019 թ․ հունվարի 5-ին. Վերցված է 2018 թ․ հունիսի 24-ին.