Սուկկո

Գյուղ
Սուկկո
ռուս.՝ Сукко
Սև ծովի ափին գտնվող Սուկկոյի «Սմենա» ճամբարի տարածքը
Երկիր	Ռուսաստան
Դաշնային սուբյեկտ	Կրասնոդարի երկրամասԿրասնոդարի երկրամաս
Քաղաքային օկրուգ	Անապայի քաղաքային օկրուգ
ԲԾՄ	27 մ
Պաշտոնական լեզու	ռուսերեն
Բնակչություն	3156 մարդ (2010)
Ազգային կազմ	հայեր, ռուսներ
Ժամային գոտի	UTC+3
Հեռախոսային կոդ	(+7)86133
Փոստային ինդեքսներ	353407
ՍՎՏԲՀԴ	03 203 819 003
Սուկկո Վիքիպահեստում

Սուկկո (ռուս.` Сукко), գյուղ Ռուսաստանի Դաշնության Կրասնոդարի երկրամասի Անապա քաղաքի մունիցիպալ կազմավորման մեջ, Սուկկո գետի ափին։ Գտնվում է Անապայից 14 կմ հարավ-արևելք, ծովի մակարդակից 27 մ բարձրության վրա։ Ծովափնյա բուժավայր է և զբոսաշրջության կենտրոն` Սև ծովի ափին։

Բնակչություն և տնտեսություն

Համաձայն 2002 թվականի տվյալների, գյուղն ուներ 2278 բնակիչ, իսկ 2010 թվականին այնտեղ արդեն ապրում էր 3156 մարդ, հիմնականում հայեր և ռուսներ, ովքեր զբաղվում են պտղաբուծությամբ, խաղողագործությամբ, բանջարաբուծությամբ և անասնապահությամբ։

Գյուղն ունի դպրոց, գրադարան, ակումբ, մանկապարտեզ, հանգստյան տներ և առողջարաններ։ Սուկկոյում է գտնվում «Սմենա» մանկական կրթական առողջարանային կենտրոնը։ Զբոսաշրջիկներն հնարավորություն ունեն իրենց ժամանակն անց կացնել զանազան զվարճանքների և ժամանցի կենտրոններում (պարապլաներիզմ, դայվինգ և այլն)։

Պատմությունը

Հյուսիս-Արևմտյան Կովկասի տարածքները գրավելու գործում ունեցած մեծ ներդրումների համար, 1869 թվականին, Սուկկո գյուղի մոտակա տարածքները շնորհվել էին կոմս Միքայել Լոռիս-Մելիքովին։ 19-րդ դարի վերջերին, Օսմանյան կայսրությունից գաղթած հայերը սկսեցին բնակություն հաստատել այս վայրերում։

Սուկկո գյուղը հիմնադրել են Սամսունի և Տրապիզոնի շրջակայքի գյուղերից եկած հայերը` 1870 թվականին։

Արտաքին հղումներ

• Սուկկո գյուղը

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։