Սուխումի կապիկների բուծարան

Վիքիպեդիայից՝ ազատ հանրագիտարանից
Jump to navigation Jump to search
Առողջապահական ինստիտուտ
Սուխումի կապիկների բուծարան
Сухумский обезьяний питомник
2014 Suchum, Małpiarnia (03).jpg
Կապիկների բուծարանի շենքը, 2014 թվական, Սուխում, Աբխազիա
ԵրկիրՎրաստան Վրաստան
ԵրկիրԱբխազիա Աբխազիա
ՀիմնադիրՆիկոլայ Սեմաշկով
Հիմնադրման թվական1927 թվական
Կարգավիճակառողջապահական ինստիտուտ

Սուխումի կապիկների բուծարան (ռուս.՝ Сухумский обезьяний питомник), Աբխազիայի գիտությունների ակադեմիայի փորձարարական ախտաբանության և թերապիայի գիտահետազոտական ինստիտուտի գիտական բազայի հիման վրա ստեղծված առողջապահական ինստիտուտ։

Բուծարանը գտնվում է Սուխումում՝ Տրապեցիա լեռան լանջին, ռուս գիտնական Ալեքսեյ Օստրոումովի նախկին ամառանոցի տեղում։ Այն գտնվում է Սուխումի բուսաբանական այգուց քիչ հեռու։

Սուխումի կապիկների բուծարանը աշխատում է առանց հանգստյան օրերի՝ առավոտյան 9-ից մինչև երեկոյան ժամը 7-ը։

Պատմություն[խմբագրել | խմբագրել կոդը]

Ռուսաստանի Խորհրդային Ֆեդերատիվ Սոցիալիստական Հանրապետության առողջապահության առաջին ժողովրդական կոմիսար Նիկոլայ Սեմաշկովը առաջարկել է Խորհրդային Միության տարածքում կապիկների բուծարանի ստեղծման գաղափարը։

Նպատակը պրիմատների վրա փորձարկումներ կատարելու միջոցով ուսումնասիրել մարդկային հիվանդությունները: Սուխում քաղաքը ընտրվեց որպես արևադարձային կլիմայական պայմաններ ունեցող քաղաք։

Նաև այն, որ այստեղ աճում են տարբեր արևադարձային մրգեր, որոնք կարող են սնունդ ծառայել կապիկների համար։

Սուխումի կապիկների բուծարանի հիմնադրման թվականը համարվում է 1927 թվականի օգոստոսի 24-ը, երբ Գվինեայից Բաթում տեղափոխվեց երկու շնագլուխ կապիկ և մեկ շիմպանզե[Ն 1]:

Բուծարանում պահվում են մոտ 1000 պրիմատներ։ Կապիկների վրա կատարվում են պաշ դեղորայքային և հակաբիոտիկների փորձարկումներ։ Այստեղ հայտնաբերվել են տարբեր վիրուսների մոդելներ՝ աշխարհում առաջին անգամ։

Բուծարանի բակում տեղադրված է ռուս առաջին Նոբելյան մրցանակի դափնեկիր Իվան Պավլովի արձանը։

Պատկերասրահ[խմբագրել | խմբագրել կոդը]

Նշումներ[խմբագրել | խմբագրել կոդը]

  1. Ի սկզբանե պլանավորված էր Աֆրիկայից Վրաստանի ԽՍՀ տեղափոխել 15 պրիմատներ, սակայն երկար ճանապարհի ընթացքում նրանց մեծ մասը սատկել են

Արտաքին հղումներ[խմբագրել | խմբագրել կոդը]