Սորեկ (արգելոց)

Վիքիպեդիայից՝ ազատ հանրագիտարանից
Jump to navigation Jump to search
Picto infobox plant.png
Սորեկ
PikiWiki Israel 29705 Stalactite Cave.JPG
Տեսակէքսկուրսիոն անձավ
ԵրկիրFlag of Israel.svg Իսրայել[1]
ՎարչատարածքԲեյթ Շեմեշ և Երուսաղեմի մարզ[1]
Մակերես5 քառակուսի մետր
Երկարություն83 մետր
Լայնություն60 մետր
Սորեկ (արգելոց)ը գտնվում է Իսրայելում
Սորեկ (արգելոց)

Սորեկ, արգելոց Իսրայելում։

Սորեկ ստալակտիտային քարանձավը հայտնաբերվել է 1968 թվականի մայիսին Հար Թուվ լեռան քարհանքում, որտեղ շինարարական խճաքար էր արդյունահանվում։ Ապարի հերթական պայթյունի ընթացքում փոքրիկ փոս է բացվել ստալակտիտային քարանձավի մեջ, որը մինչ այդ ելք չուներ մակերևույթ։ 1975[2] թվականին քարանձավին տրվել է արգելոցի կարգավիճակ։

Սորեկ քարանձավը գտնվում է Բեյթ Շեմեշի շրջանում՝ Հուդայի լեռների արևմտյան լանջին, Սորեկ գետից հարավ, Երուսաղեմից 10-15 րոպե հետիոտնային հեռավորության վրա։ Քարանձավի մուտքը գտնվում է ծովի մակարդակից 385 մ բարձրության վրա։

Արգելոցի տարածքը 180 դունամ (1800 ար) է։ Քարանձավի տարածքը կազմում է մոտ 4800 մ², ծավալը՝ մոտ 25 հազար մ³։ Նրա առավելագույն երկարությունը 91 մետր է, լայնությունը` մինչև 80 մետր, առաստաղի առավելագույն բարձրությունը` 15 մետր (միջինը 5,5 մետր)։ Օդի ջերմաստիճանն այստեղ կայուն է, 22 °C ջերմաստիճան, խոնավությունը տատանվում է 92 % -ից մինչև 100 %։

Արգելոցը, որտեղ գտնվում է քարանձավը, կրում է Ավշալոմ անունը ի հիշատակ Ավշալոմ Շոհամի՝ զինվորի, որը զոհվել է «ուժերը հյուծելու համար պատերազմում»։ Քարանձավը սահմանակից է Հուդայի լեռներ ազգային պարկին և Սորեկ գետի արգելոցին։ Իսրայելի շրջակա միջավայրի պահպանության միության ճամփորդական բրոշյուրը խորհուրդ է տալիս այցելել արգելոց նոյեմբերից մայիս ամիսներն ընկած ժամանակահատվածում, երբ Ավշալոմի արգելոցի բուսականությունը կազմող արհեստական տնկված սոճիների հետ մեկտեղ ծաղկում են թփուտերը, որպեսզի հնարավոր լինի համատեղել այցը քարանձավ և շրջագայությունը շրջակայքում։

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 GEOnet Names Server — 2018.
  2. «List of National Parks and Nature Reserves» (Hebrew)։ Israel Nature and Parks Authority։ Արխիվացված է օրիգինալից 2009-10-07-ին։ Վերցված է 2010-09-27 

Արտաքին հղումներ[խմբագրել | խմբագրել կոդը]