Սոմերսեթ կամուրջ

Սոմերսեթ կամուրջ;
Երկիր	Միացյալ Թագավորություն
Տեղանք	Բերմուդյան կղզիներ
Տեսակ	ճանապարհային կամուրջ և Բարձրացնովի կամուրջ
Երկարություն	մոտ 40 մետր
Լայնություն	մոտ 8 մետր
Բացման տարեթիվ	1620

Սոմերսեթ կամուրջ (անգլ.՝ Somerset Bridge), գործող բացովի կամուրջ^[1], աշխարհում ամենափոքրը^[2]^[3]։ Գտնվում է Բերմուդյան կղզիների Սենդիս կոմսությունում։ Միացնում է Սոմերսեթ կղզին և կղզեխմբի գլխավոր՝ Մեյն Այլենդ կղզին^[2]։

Պատմություն[խմբագրել | խմբագրել կոդը]

Կամուրջը կառուցվել է 1620 թվականին^[2], 20-րդ դարի կեսերին վերակառուցվել է։ Կամուրջն ի սկզբանե կառուցվել է ձեռքով։ 17-րդ դարի սկզբին ստեղծվել է շլյուպ, որն ուներ թեք, բարձր, անկյունաձև կայմեր և եռանկյունաձև առագաստներ, որոնք կղզու բնակիչներին օգնում էին նավարկել քամուն հակառակ։ Հենց այդ նավերի անցնելու համար էլ կառուցվել է այս կամուրջը^[2]։

Երբ շլյուպը մոտենում էր կամրջին, վերակացուն կամրջից հանում էր փայտե տախտակը, այնուհետև օգնում էր նավապետին անցկացնելու առագաստը նեղ բացվածքով և ծածկում էր ճեղքը, երբ նավն ապահով անցնում էր^[2]։

2015 թվականին կամուրջը ճանաչվել է պատմության հուշարձան^[2]։

Նկարագրություն[խմբագրել | խմբագրել կոդը]

Այժմ կամուրջը բաղկացած է կալունակներով ամրացված երկու մասից (բարձակավոր կամուրջ), որոնց միջև կա 45-սանտիմետրանոց բացվածք, որը ծածկված է փայտե բարակ տախտակով։ Այն հանվում է, երբ զբոսանավերն անցնում են կղզիների միջև գտնվող նեղուցով, ուստի նավերը կարող են առանց որևէ խնդրի անցնել կամրջի տակով^[2]։

Սոմերսեթ կամուրջը պատկերված է Բերմուդյան կղզիների 2009 թվականի 5-դոլարանոց թղթադրամի դարձերեսին^[4]^[5]։