Սյուզաննա Գուլակյան

Վիքիպեդիայից՝ ազատ հանրագիտարանից
Սյուզաննա Գուլակյան
Ծնվել էհուլիսի 14, 1929(1929-07-14) (94 տարեկան)
ԾննդավայրՄոսկվա, ԽՍՀՄ
Մասնագիտությունգրականագետ, թարգմանչուհի և դասախոս
Քաղաքացիություն ԽՍՀՄ և  Հայաստան
ԿրթությունՄոսկվայի պետական համալսարանի բանասիրույան ֆակուլտետ
Գիտական աստիճանբանասիրական գիտությունների թեկնածու
ԱնդամակցությունՀԳՄ
ԿուսակցությունԽՄԿԿ
ԱշխատավայրԼիտերատուրնայա Արմենիա, Գոլոս Արմենիի և Վ․ Բրյուսովի անվան պետական համալսարան
Սյուզաննա Գուլակյան Վիքիդարանում

Սյուզաննա Արմենի Գուլակյան (հուլիսի 14, 1929(1929-07-14), Մոսկվա, ԽՍՀՄ), հայ գրականագետ, թարգմանչուհի, բանասիրական գիտությունների թեկնածու, ՀՀ Գրողների միության անդամ 1966 թվականից։

Կենսագրություն[խմբագրել | խմբագրել կոդը]

Սյուզաննա Գուլակյանը միջնակարգ կրթությունն ստացել է Երևանում։ 1952 թվականին ավարտել է Մոսկվայի համալսարանի բանասիրական ֆակուլտետը։ 1952-1958 թվականներին աշխատել է ռուսերեն «Կոմունիստ» թերթի խմբագրությունում՝ որպես գրական աշխատող, ապա պատասխանատու քարտուղարի տեղակալ։ 1958-1969 թվականներին «Լիտերատուրնայա Արմենիա» ամսագրի քննադատական բաժնի վարիչն էր, ապա պատասխանատու քարտուղարը։ Որպես դոցենտ աշխատել է նաև Երևանի Վ․ Բրյուսովի անվան ռուսաց և օտար լեզուների մանկավարժական ինստիտուտում։ 1966 թ. «Դ․ Դեմիրճյանի «Քաջ Նազարը» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան[1]։ ԽՄԿԿ անդամ 1956 թվականից։

Ստեղծագործական կյանք[խմբագրել | խմբագրել կոդը]

Հայերենից թարգմանում է ռուսերեն։ Սյուզաննա Գուլակյանի թարգմանությամբ ռուսերեն առանձին գրքերով լույս են տեսել Բաղիշ Հովսեփյանի «Սերմնացանները չվերադարձան» (Մոսկվա, 1965), Էդվարդ Ջրբաշյանի «Թումանյանի պոեզիան» (Մոսկվա, 1969)։

Ծանոթագրություններ[խմբագրել | խմբագրել կոդը]

  1. Հայկ Խաչատրյան (1986). Գրական տեղեկատու. Երևան: «Սովետական գրող». էջ 135.