Սյոր-Քավալոյ (Թրոմս)

Սյոր-Քավալոյ
Տեսակ	կղզի
Երկիր	Նորվեգիա
Վարչատարածք	Թրոմսյո
Երկարություն	46,6 կմ
Լայնություն	30,2 կմ
Ամենաբարձր կետ	Store Blåmann?
Մակերես	737 կմ²
Ջրլիցի ափին	Նորվեգական ծով

Անվան այլ կիրառումների համար տե՛ս՝ Սյոր-Քավալոյ (այլ կիրառումներ)

Սյոր-Քավալոյ (նորվ.՝ Kvaløya, սաամ.՝ Sállir) նաև Քավալոյ, կղզի Նորվեգիայի հյուսիսում՝ Թրոմս ֆյուլքեի Թրոմսյո կոմունայում^[1]։

Աշխարհագրություն[խմբագրել | խմբագրել կոդը]

Կղզու մակերեսը 737 կմ² է, ինչը այն դարձնում է Նորվեգիայի մեծությամբ 5-րդ կղզին։ Թրոմսեա կղզու հետ միացված է Սաննեսուն կամրջով, Ռինգվասեի կղզու հետ՝ Կվալսունի կամրջով և Սոմարեի կղզու հետ՝ Սոմարեի կամրջով։ Կղզու հարավարևմտյան ափերը հանդիսանում են հայտնի հանգստյան գոտիներ^[1]։

Քավալոյը ունի լեռնային ռելիեֆ։ Այստեղ կան 700-ից 1000 մետր բարձրության շուրջ 10 լեռ։ Ամենաբարձր գագաթը Սթուր-Բլումն (Store Blåmann) է, որը նաև կոչվում է «Մեծ մանուշակագույն մարդ»։ Ունի 1044 մետր բարձրություն։ Այստեղ կան նաև մի քանի ոչ մեծ ֆյորդեր։ Կղզու զգալի մասը պատված է սաղարթախիտ անտառներով^[1]։

Բնակչություն[խմբագրել | խմբագրել կոդը]

Համաձայն Նորվեգիայի վիճակագրական ծառայության 2008 թվականի տվյալների՝ Սյոր-Քավալոյ կղզին ունի 11300 բնակիչ, որի մեծ մասը բնակվում է կղզում արևելյան մասում։ Սաննեսուն կամրջից ոչ հեռու գտնվում են Սթուրելվա, Կալֆյորդ, Բրենսհոլմեն, Էրսֆյորդսբոթնը բնակավայրերը^[1]։