Սկիաթոս

Սկիաթոս;
Տեսակ	կղզի
Երկիր	Հունաստան
Վարչատարածքային միավոր	Skiathos Municipality?
Մասն է	Սպորադներ
Մակերես	49,898 կմ²

Սկիաթոս (հուն․՝ Σκιάθος), Հունաստանին պատկանող կղզի Եգեյան ծովի հարավարևելյան հատվածում^[1]^[2]։

Հունաստանի կարևոր զբոսաշրջային կղզիներից է։ Կղզում գտնվող Լալարիա ծովափը համարվում է Հունաստանի ամենաարևոտ հանգստավայրերից մեկը։

Աշխարհագրություն[խմբագրել | խմբագրել կոդը]

Սկիաթոս կղզին գտնվում է Եգեյան ծովի հարավ-արևելքում՝ Հունաստանի Հարավային Եգեյան կղզիներ վարչատարածքային միավորի կազմում։

Ծովի մակարդակից բարձրությունը զրոյական է, իսկ ամենաբարձր լեռնագագաթն ունի ընդամենը 433 մետր բարձրություն։ Հիմնական քաղաքը՝ Սկիաթոսը (ըստ 2011 թվականի տվյալների ունի 4.883 մարդ բնակչություն) գտնվում է կղզու արևելքում։

Մյուս բնակավայրերն են Կալիվիան, Տրուլոսը, Հենեմոսը, Կուկունարիեսը և Ահլադիասը։ Սկիաթոս կղզին զբաղեցնում է ընդհանուր առմամբ 49.898 կմ քառակուսի տարածք^[3]։ Չնայած իր փոքր տարածքի՝ Սկիաթոսը իր անտառներով և լանդշաֆտական գոտիներով հայտնի զբոսաշրջային վայր է։ Անտառները գտնվում են հիմնականում կղզու հարավարևմտյան և հարավարևելյան հատվածում^[4]։