Սկաֆանդրը և թիթեռը (գիրք)
| Սկաֆանդրը և թիթեռը ֆր.՝ Le Scaphandre et le Papillon | |
|---|---|
| Տեսակ | գրավոր աշխատություն |
| Ժանր | ինքնակենսագրություն |
| Հեղինակ | Ժան-Դոմինիկ Բոբի |
| Երկիր |  Ֆրանսիա |
| Բնագիր լեզու | ֆրանսերեն |
| Հրատարակչություն | «Ռոբեր Լաֆոն» հրատարակչություն |
| Հրատարակվել է | 1997 |
«Սկաֆանդրը և թիթեռը» (ֆր.՝ Le Scaphandre et le Papillon), Ժան-Դոմինիկ Բոբիի ինքնակենսագրական գիրքը, որը հրատարակվել է 1997 թվականին։ Գիրքն էկրանավորվել է 2007 թվականին։
Դիպաշար[խմբագրել | խմբագրել կոդը]
«Elle France» ամսագրի 44-ամյա հաջողակ խմբագիր Ժան-Դոմինիկ Բոբին ստանում է գլխուղեղի կաթված, որից հետո գրեթե ամբողջությամբ անդամալույծ է դառնում։ «Կողպված մարդու» համախտանիշ (արթուն կոմա) անունով հայտնի հիվանդության պատճառով նա չի կարողանում շարժվել, ուտել, խոսել և նույնիսկ շնչել առանց կողմնակի օգնության։ Անշարժացած մարմնում ապրում է միայն ձախ աչքը[1]։
Գրքում նա պատմում է իր կյանքի, աշխատանքի, ընտանիքի, կաթվածի, հիվանդանոցի, բժիշկների և շրջապատում կատարվողի հանդեպ իր վերաբերմունքի մասին[2]։
Գրքի մասին[խմբագրել | խմբագրել կոդը]
Երկու ամիս, օրական երեք ժամ, Բոբիի օգնականն արտասանել է այբուբենը, իսկ նա աչքով է արել ճիշտ տառը հնչելու պահին[2]։ Այս գրքի ծնվելու համար պահանջվել է 200000 թարթում[2]։ Այսպիսով, առանց որևէ բառ ասելու, Ժան-Դոմինիկ Բոբին աշխարհին պատմել է, թե ինչպես է մահվան օվկիանոսի հատակն ընկղմվող շարքից դուրս եկած մարմնի ՍԿԱՖԱՆԴՐԻ ներսում փորձում ապրել անհնազանդ թիթեռը՝ ՀՈԳԻՆ։
«Սկաֆանդրը և թիթեռը» գիրք է այն մասին, թե ինչպիսին է կյանքը սեփական մարմնում փակված վիճակում։ Աշխարհի 30 երկրներում հրատարակված 130-էջանոց այս գիրքը վաճառվել է հսկայական տպաքանակներով և երկար ժամանակ տեղ է զբաղեցրել համաշխարհային բեսթսելլերների ցանկերի վերին հորիզոնականներում, արժանացել քննադատների հիացական գնահատականներին և հուզել միլիոնավոր ընթերցողների սրտերը[2]։
Ժան-Դոմինիկ Բոբին մահացել է իր գրքի լույսընծայումից երկու օր անց[3][4]։
Ֆիլմ[խմբագրել | խմբագրել կոդը]
Այս գրքի հիման վրա ամերիկացի կինոռեժիսոր, սցենարիստ և նկարիչ Ջուլիան Շնաբելը նկարահանել է ֆիլմ, որտեղ գլխավոր դերը կատարել է Մաթյո Ամալրիկը։ Ֆիլմը ռեժիսուրայի համար արժանացել է 2007 թվականի Կաննի կինոփառատոնի մրցանակի, 2008 թվականին՝ «Ոսկե գլոբուսի» և «Սեզար» մրցանակի՝ «Լավագույն տղամարդ դերասան» անվանակարգում[5][6][7][8]։
Ծանոթագրություններ[խմբագրել | խմբագրել կոդը]
- ↑ lefigaro.fr. «Actualité en direct et informations en continu». Le Figaro (ֆրանսերեն). Արխիվացված է օրիգինալից 2012 թ․ նոյեմբերի 4-ին. Վերցված է 2023 թ․ ապրիլի 27-ին.
- ↑ 2,0 2,1 2,2 2,3 «Elizabeth Day interviews ghost-writer Claude Mendibil». the Guardian (անգլերեն). 2008 թ․ հունվարի 27. Վերցված է 2022 թ․ նոյեմբերի 10-ին.
- ↑ Thomas, Rebecca. Diving Bell movie's fly-away success, BBC, February 8, 2008. Accessed June 5, 2008.
- ↑ Mallon, Thomas (June 15, 1997) "In the Blink of an Eye - The Diving Bell and the Butterfly," The New York Times. Retrieved April 8, 2008.
- ↑ «Cannes Winners: Stark Abortion Drama Tops». www.altfg.com.
- ↑ Academy Awards Database Արխիվացված 2008-09-21 Wayback Machine
- ↑ «Film Awards». www.bafta.org. 2014 թ․ հուլիսի 31.
- ↑ «HFPA Awards Database». Արխիվացված է օրիգինալից 2012 թ․ հոկտեմբերի 11-ին. Վերցված է 2023 թ․ մայիսի 22-ին.
Արտաքին հղումներ[խմբագրել | խմբագրել կոդը]
- «Սկաֆանդրը և թիթեռը»(անգլ.) ֆիլմը Internet Movie Database կայքում
- «Սկաֆանդրը և թիթեռը»(անգլ.) ֆիլմը Allmovie կայքում:
