Սլավիկ Առուստամյան
Սլավիկ Առուստամյան | |
---|---|
սեպտեմբերի 28, 1961 - 1992 | |
Ծննդավայր | Սարուշեն, Ասկերանի շրջան |
Մահվան վայր | Երևան |
Պաշտոն | ջոկի հրամանատար |
Մարտեր/ պատերազմներ | Արցախյան ազատամարտ |
Սլավիկ Արշավիրի Առուստամյան (28 սեպտեմբերի, 1961, Սարուշեն, Ասկերանի շրջան - 1992, Երևան), հայ ազատամարտիկ, Արցախյան ազատամարտի մասնակից։
Կենսագրություն[խմբագրել | խմբագրել կոդը]
Սլավիկ Առուստամյանը ծնվել է 1961 թ. սեպտեմբերի 28-ին Ասկերանի շրջանի Սարուշեն գյուղում։ Ավարտել է տեղի միջնակարգ դպրոցը։ 1979-81 թթ. ծառայել է Խորհրդային բանակում՝ տանկային զորամասում։ Զորացրվելուց հետո գյուղում աշխատել է որպես վարսավիր։ Արցախի ազատագրական պայքարի առաջին կամավորականներից էր։ Գյուղի դասակում ջոկի հրամանատար էր։ Մասնակցել է Ամարասի հովտի պաշտպանությանը։ Հետևակի մարտական մեքենայի մեխանիկ-վարորդ էր։ 1992 թ. հունիսի 20-ին վիրավորվել է Խանաբադի պաշտպանական մարտում և մահացել Երևանի հիվանդանոցում։ Հետմահու պարգևատրվել է ԼՂՀ «Արիության համար» և «Շուշիի ազատագրման համար» մեդալներով։ Ամուսնացած էր, ունի երեք երեխա։ Հանգչում է Սարուշենի գերեզմանատանը[1]։
Ծանոթագրություններ[խմբագրել | խմբագրել կոդը]
- ↑ «Սլավիկ Առուստամյանը Արցախյան պատերազմի թանգարանի կայքում». Արխիվացված է օրիգինալից 2016 թ․ մարտի 5-ին. Վերցված է 2014 թ․ մարտի 12-ին.