Սլաջյանա Գոլիչ
| Սլաջյանա Գոլիչ | |
|---|---|
| Անձնական տեղեկություն | |
| Սեռ՝ | իգական |
| Բնօրինակ անուն՝ | Слађана Голић |
| Ազգություն՝ | սերբ |
| Մասնագիտացում՝ | բասկետբոլիստուհի |
| Երկիր՝ | .svg){kind=small} ՀՍՖՀ |
| Ծննդյան ամսաթիվ՝ | փետրվարի 12, 1960 (64 տարեկան) |
| Ծննդավայր՝ | Բանյա Լուկա, Հարավսլավիա |
| Ակումբ՝ | ŽKK Mladi Krajišnik? և ŽKK Vršac? |
| 189 սմ | |
| Քաշ՝ | 75 կգ |
Սլաջյանա Գոլիչ (սերբ.՝ Слађана Голић / Slađana Golić, փետրվարի 12, 1960, Բանյա Լուկա, Բոսնիայի և Հերցեգովինայի Սոցիալիստական Հանրապետություն, ՀՍՖՀ), հարավսլավացի սերբ բասկետբոլիստուհի, ով հանդես է եկել Հարավսլավիայի ազգային հավաքականի կազմում 1980-ական թվականներին և 1990-ական թվականների սկզբին։ Սեուլի Օլիմպիական խաղերի արծաթե մեդալակիր, աշխարհի առաջնության արծաթե մեդալակիր, Եվրոպայի առաջնության երկու արծաթե մեդալների դափնեկիր, Զագրեբի ամառային Ունիվերսիադայի չեմպիոն, ազգային ու հանրապետական բազմաթիվ մրցությունների մրցանակակիր։
Կենսագրություն[խմբագրել | խմբագրել կոդը]
Սլաջյանա Գոլիչը ծնվել է 1960 թվականի փետրվարի 12-ին Հարավսլավիայի Սոցիալիստական Ֆեդերատիվ Հանրապետության Բանյա Լուկա քաղաքում (ներկայում՝ Սերբական Հանրապետություն, Բոսնիա և Հերցեգովինա)։ Բասկետբոլով զբաղվել սկսել է վաղ տարիքում։ Սկզբում խաղացել է տեղի «Մլադի Կրաիշնիկ» բասկետբելային ակումբում, ավելի ուշ հանդես է եկել այնպիսի թիմերում, ինչպիսիք են «Սանտակլերը», սերբական «Վրշաց» ակումբը համանուն քաղաքից։ Սլաջյանա Գոլիչն իր մարզական կարիերան ավարտել է «Պամպլոնա» ակումբում։
Հարավսլավիայի ազգային հավաքականի կազմում առաջին անգամ հանդես է եկել 1981 թվականին՝ մասնակցելով ԽՍՀՄ-ում անցկացվող Եվրոպայի առաջնությանը, որի ժամանակ Հարավսլավիայի հավաքականը հասել է մինչև կիսաեզրափակիչ և պարտվել ԽՍՀՄ հավաքականին։ Միջազգային մակարդակում մեծահահասակների առաջնություններում Սլաջյանա Գոլիչի առաջին նշանակալի ձեռքբերումը եղել է 1983 թվականին, երբ նա, լինելով ուսանող, մասնակցել է Կանադայի Էդմոնտոն քաղաքում անցկացվող ամառային Ունիվերսիադային և արժանացել բրոնզե մեդալի։ Դրանից բացի՝ նույն մրցաշրջանում նա ԽՍՀՄ-ում մասնակցել է Եվրոպայի առաջնությանը, իսկ Բրազիլիայում՝ աշխարհի առաջնությանը, սակայն մրցանակային տեղեր չի զբաղեցրել։
Հաջողությամբ հանդես գալով մի շարք հանդիպումներում՝ Սլաջյանա Գոլիչն իրավունք է ստացել Հարավսլավիայի հավաքականի կազմում մասնակցել 1984 թվականին Լոս Անջելեսում անցկացվող Ամառային օլիմպիական խաղերին, սակայն հավաքականը իր խմբում կարողացել է հաղթել հինգ խաղերից միայն մեկում և Ավստրալիայի հավաքականի հետ զբաղեցրել է վերջին տեղը։
1987 թվականին Իսպանիայում անցկացվող Եվրոպայի առաջնությունում Սլաջյանա Գոլիչն իր թիմի հետ արժանացել է արծաթե մեդալի․ եզրափակչում նրանք պարտվել էին ԽՍՀՄ հավաքականի դեմ խաղում։ Նույն թվականին Զագրեբում ացկացվող ամառային Ունիվերսիադայի ժամանակ Սլաջյանա Գոլիչն արժանացել է ոսկե մեդալի։ Լինելով Հարավսլավիայի կանանց բասկետբոլի հավաքականի առաջատար խաղացողների շարքում՝ հաջողությամբ անցել է 1988 թվականին Սեուլում ացկացվելիք Օլիմպիական խաղերի որոկավորման փուլը։ Այս անգամ Հարավսլավիայի հավաքականը հասել է մինչև եզրափակիչ, սակայն պարտություն է կրել ԱՄՆ հավաքականի դեմ խաղում և արժանացել է արծաթե մեդալի։
Սեուլի Օլիմպիական խաղերից հետո Սլաջյանա Գոլիչը շարունակել է խաղալ ազգային հավաքականի կազմում և մասնակցել միջազգային մրցությունների։ 1990 թվականին նա ներկայացրել է իր երկիրը Կուալա Լումպուրում անցկացվող աշխարհի առաջնությունում․ այս անգամ ևս նրանք հասել են մինչև եզրափակիչ և կրկին պարտվել են ԱՄՆ հավաքականի դեմ խաղում։ 1991 թվականին Իսրայելի Թել Ավիվ քաղաքում անցկացվող Եվրոպայի առաջնությունում Սլաջյանա Գոլիչն արժանացել է արծաթե մեդալի։
Սլաջյանա Գոլիչը Հարավսլավիայի ազգային հավաքականի կազմում խաղացել է 11 տարի՝ ընդհանուր առմամբ մասնակցելով 465 հանդիպման[1]։
Ծանոթագրություններ[խմբագրել | խմբագրել կոդը]
- ↑ D. ADŽIĆ. «Košarka mi je dala sve» (սերբերեն). NID Novi pečat. Վերցված է 2016 թ․ մարտի 29-ին.(չաշխատող հղում)
Արտաքին հղումներ[խմբագրել | խմբագրել կոդը]
- Սլաջյանա Գոլիչ Արխիվացված 2013-12-17 Wayback Machine - օլիմպիական վիճակագրությունը Sports-Reference.com կայքում (անգլ.)