Կանադական աշտարակ (անգլ.՝ CN Tower, ֆր.՝ CN Tour), համաշխարհային ճանաչում ունեցող աշտարակ Կանադայում[1][2][3]։ Կանադական աշտարակը կամ CN աշտարակը աշխարհի ամենաբարձր կանգնած շինություններից է, որը գտնվում է ԿանադայիՏորոնտո քաղաքում[4]։ Գետնից մինչև գագաթ նրա բարձրությունը 553,3 մետր է։ Աշտարակի շինարարությունը սկսվել է 1976 թվականին։ Շինարարության վրա ծախսվել է ավելի քան 63 միլիոն ԱՄՆ դոլար։
Նրա կառուցման նպատակը հեռուստատեսային ազդանշանի որակը լավացնելն է, քանի որ երկնաքերներն արգելափակում էին այն։ Ամեն տարի մոտ 2 միլիոն մարդ է բարձրանում 44 մետր բարձրության վրա գտնվող «Սքայ Փոդ», որն աշխարհի ամենաբարձր դիտարանն է[5][6]։ Այս շինության ներսում գտնվում է 73 վերելակ, որոնք գրեթե ոչ մի վայրկյան չեն գտնվում դադարի վիճակում։ Շենքը նաև ունի 6500 լուսամուտ։ Գիշերները լուսավորվում է գունավոր լույսերով։ Նրանց գույները տարբեր տոների ժամանակ տարբեր են. Կանադայի անկախության օրը (Հուլիսի 4, անկախություն Անգլիայից) վառվում են կարմիր-կապույտ-սպիտակ, Սուրբ Պատրիկի օրը կանաչ և այլն։ Շինության վերևում գտնվող ձողը օդապարիկների համար է։ Աշտարակի վերին հեռախոսային աշտարակը կառուցվել է աշտարակի կառուցումից ավելի ուշ[7]։ Նրա գոյության առաջին տասը տարիների ընթացքում կայծակը շանթարգելին հարվածել է 68 անգամ։
