Սիրանուշ Գասպարյան
Սիրանուշ Գասպարյան | |
---|---|
Ծնվել է | օգոստոսի 22, 1978 (45 տարեկան) Սուխում, Վրացական ԽՍՀ, ԽՍՀՄ |
Երկիր | Հայաստան |
Մասնագիտություն | օպերային երգչուհի |
Երգչաձայն | սոպրանո |
Գործիքներ | վոկալ |
Կրթություն | Երևանի Կոմիտասի անվան պետական կոնսերվատորիա |
Սիրանուշ Գասպարյան (օգոստոսի 22, 1978, Սուխում, Վրացական ԽՍՀ, ԽՍՀՄ), հայ օպերային երգչուհի, սոպրանո։
Կենսագրություն[խմբագրել | խմբագրել կոդը]
Սիրանուշ Գասպարյանը ծնվել է 1978 թվականին Սուխումում։ 1991 թվականին ընտանիքով տեղափոխվել են Երևան, որտեղ ավարտել է Չայկովսկու անվան երաժշտական դպրոցը։ 2002 թվականին ավարտել է Երևանի Կոմիտասի անվան պետական կոնսերվատորիայի դաշնամուրի և վոկալի (օպերային երգեցողություն) բաժինները։ 2003-2005 թվականներին շարունակել է հետբուհական կրթությունը վոկալի բաժնում՝ պրոֆեսոր Ելենա Վարդանյանի դասարանում։ Հանդես է գալիս 2001 թվականից և մասնակցում է երգի մրցույթների Հայաստանում և Եվրոպայում։ Միաժամանակ դասավանդում է Երևանի Կոմիտասի անվան պետական կոնսերվատորիայում[1]։
Կատարումներով հանդես է եկել Հայաստանի ազգային ֆիլհարմոնիկ նվագախմբի հետ, Հայկական թատրոններում, 2014 թվականին Շտուտգարտում մասնակցել է Հայկական մշակութայի օրերին[2]։
Կատարումներ[խմբագրել | խմբագրել կոդը]
- 2012 թվականին, Էդուարդ Թոփչյանի ղեկավարությամբ Ջակոմո Պուչինիի «Տուրանդոտ» օպերայի համերգային կատարում
- 2013 թվականին, Պիետրո Մասկանիի «Գեղջկական ասպետություն» օպերայի համերգային կատարում
- Հոկտեմբեր, 2010 թվականին, Երևան, Հայաստան։ Համերգ Հայաստանի ազգային կամերային նվագախմբի հետ, Դիրիժոր՝ Ռուբեն Ասատրյան։ Ծրագրում՝ Անտոնիո Վիվալդի, Անդրեասյան, Արամ Սաթյան
- Փետրվար, 2010 թվականին, Երևան, Հայաստան։ Կոմիտասի անվան Կամերային երաժշտության տուն։ Ծրագրում՝ Ռիխարդ Վագներ, Լյուդվիգ վան Բեթհովեն, Վոլֆգանգ Ամադեուս Մոցարտ, Նիկոլայ Մետներ, Սերգեյ Ռախմանինով, Պյոտր Չայկովսկի
- Ապրիլ, 2009 թվականին,Երևան, Հայաստան։ Կոմիտասի անվան Կամերային երաժշտության տուն (ձայն և երգեհոն)։ Ծրագրում՝ եվրոպական և հայկական հոգևոր երաժշտություն
- Հոկտեմբեր, 2009 թվականին, Երևան, Հայաստան։ Համերգ Վերածնունդ կամերային նվագախմբի հետ, դիրիժոր՝ Ռուբեն Ասատրյան։ Ծրագրում՝ Գեորգ Ֆրիդրիխ Հենդել
- Դեկտեմբեր, 2009 թվականին, Ռուբեն Ասատրյան։ Համերգ Հայաստանի ազգային կամերային նվագախմբի հետ, Դիրիժոր՝ Ռուբեն Ասատրյան։ Ծրագրում՝ Սիմֆոնիա No. 2 (Գուստավ Մալեր)
Ծանոթագրություններ[խմբագրել | խմբագրել կոդը]
- ↑ «Առաջին տեղում արվեստն է, բայց երգիչը նաև պետք է ապրի. սոպրանո Սիրանուշ Գասպարյանը՝ օպերային արվեստի խնդիրների մասին - Այսօր` թարմ լուրեր Հայաստանից». www.aysor.am (անգլերեն). Վերցված է 2018 թ․ հուլիսի 9-ին.
- ↑ «ՀՀ Անկախության 22-ամյակին նվիրված միջոցառում Շտուտգարտի Լութեր եկեղեցում». Hayern Aysor (ամհարերեն). 2013 թ․ սեպտեմբերի 25. Վերցված է 2018 թ․ հուլիսի 9-ին.