Սիրահարված հարուստը
 | |
|---|---|
 | |
| Երկիր |  Բրազիլիա |
| Ժանր | ռոմանտիկ կատակերգություն |
| Թվական | 2020 |
| Լեզու | բրազիլիական պորտուգալերեն |
| Ռեժիսոր | Bruno Garotti? և Ջեսիկա Բլյու |
| Պատմվածքի վայր | Ռիո դե Ժանեյրո |
| Տևողություն | 104 րոպե |
Սիրահարված հարուստը (պորտ.՝ Ricos de Amor), 2020 թվականի բրազիլական ռոմանտիկ կատակերգություն, որի ռեժիսորներն են Բրունո Գարոտին և Անիտա Բարբոսան։ Սցենարի հեղինակներն են Բրունո Գարոտին և Սիլվիո Գոնսալվեսը։ Գլխավոր դերերում հանդես են գալիս Դանիլո Մեսկիտան, Ջիովաննա Լանչելոտին և Ֆերնանդա Պայես Լեմեն[1][2]։ Արտադրվել է Netflix-ի կողմից[3]։ Ֆիլմի պրեմիերան կայացել է 2020 թվականի ապրիլի 30-ին[1]։
Սցենար
[խմբագրել | խմբագրել կոդը]Հաջողակ գործարար Թեոդորոյի (Էրնանի Մորայես) որդու՝ Տետոյի (Դանիլո Մեսկիտա) կյանքը կարելի է բնորոշել հետևյալ կերպ. լավ կյանք, փող, ֆերմա և կանայք։ Տետոն պետք է ժառանգի իր հոր պլանտացիաների և ֆաբրիկաների կայսրությունը։ Սակայն նրա կյանքն էականորեն փոխվում է, երբ հանդիպում է Պաուլային (Ջիովաննա Լանչելոտի)՝ անկախ և նպատակասլաց բժիշկ ուսանողի։
Տետոյի ծննդյան տոնի նախօրեին, հայրը հայտնում է, որ ցանկանում է ծննդյան տոնի առթիվ նվեր անել. աշխատանքի տեղավորում իր ընկերությունում։ Ավանդական «Տոմատի փառատոնը», որին մասնակցում է նաև DJ Alok-ը, Տետոյի թերևս վերջին հնարավորությունն է վայելելու իր անհոգ կյանքն իր հարազատ քաղաքում։ Հենց այս փառատոնի ժամանակ էլ հանդիպում են Տետոն և Պաուլան։
Հուսալով նվաճել աղջկա սիրտը և փորձելով արդարացնել հոր սպասումները՝ Տետոն ստում է Պաուլային իր ով լինելը և ձևացնում, թե աղքատ ընտանիքի տղա է։ Սա առաջին ստերից մեկն է, որի պատճառով նա Ռիո դե Ժանեյրոյում խնդիրների մեջ է ընկնում։ Նրա մտերիմ ընկերը՝ Իգորը (Ջաֆար Բամբիրա) գյուղատնտես է։ Բացի այդ, նա Տետոյի օգնականն է՝ վերջինիս սիրային և քաոսային արկածներում։ Իգորն էլ սիրահարվում է Տետոյի հոր ընկերության մարդկային ռեսուրսների կառավարման մասնագետին՝ Ալանային (Ֆերնանդա Պայես Լեմե)։
Դերասանական կազմ
[խմբագրել | խմբագրել կոդը]- Դանիլո Մեսկիտա - Տետո,
- Ջիովաննա Լանչելոտի - Պաուլա,
- Ջաֆար Բամբիրա - Իգոր,
- Լելե - Մոնիկ
- Ֆերնանդա Պայես Լեմե - Ալանա,
- Էրնանի Մորայես - Թեոդորո Տրանկոսո,
- Բրունա Գրիֆաո - Ռաիսա,
- Ջենիֆեր Դիաս - Կատիա,
- Ժիլրայ Կոուտինյո - Սելիո,
- Կայո Պադուան - Բժիշկ Վիկտոր,
- Ալոկ - Ալոկ,
- Ռիկարդո Ֆերեյրա - տաքսիստ,
- Մարկո Անտոնիո դե Կարվալյո - Բրուտամոնտես,
- Օսկար Կալիխտո - Զե
Ծանոթագրություններ
[խմբագրել | խմբագրել կոդը]- ↑ 1,0 1,1 «Rich in Love review – another tedious international rom-com from Netflix». Ready Steady Cut. 2020 թ․ ապրիլի 30. Վերցված է 2020 թ․ ապրիլի 30-ին.
- ↑ «Review: Rich In Love is a Clichéd Rom-Com». The Cinemaholic. 2020 թ․ ապրիլի 30. Վերցված է 2020 թ․ ապրիլի 30-ին.
- ↑ «Watch Rich in Love | Netflix Official Site». www.netflix.com (անգլերեն). Վերցված է 2022 թ․ մայիսի 12-ին.
|
