Սիտջեհուտի

Վիքիպեդիայից՝ ազատ հանրագիտարանից
Jump to navigation Jump to search
Սիտջեհուտի
Queen Sitdjehuti's sarcophagus in Munich.jpg
Ծնվել է՝մ.թ.ա. 16-րդ դար
Մահացել է՝մ.թ.ա. 16-րդ դար
ՏոհմՏասնյոթերորդ արքայատոհմ
քաղաքական գործիչ
ՀայրՍենախտենրա-Ահմոս
ՄայրՏետիշերի
ԵրեխաներԱհմոս (արքայադուստր)
Սիտջեհուտիը հիերոգլիֆներում
<
G26Z4G39t
>

Սիտջեհուտի
Թոթի դուստր

Սիտջեհուտի (անգլ.՝ Sitdjehuti կամ Satdjehuti, «Թոթի դուստր»), եգիպտական տասնյոթերորդ արքայատոհմի վերջին շրջանի արքայադուստր և թագուհի։ Եղել է Սենախտենրա փարավոնի ու թագուհի Տետիշերիի դուստրը, ինչպես նաև իր եղբոր՝ Սեկենենրե Տաայի կինն ու արքայադուստր Ահմոսի մայրը։

Կյանք[խմբագրել | խմբագրել կոդը]

Սիտջեհուտին եղել է Սենախտենրա փարավոնի դուստրն ու փարավոն Սեկենենրե Տաայի ու թագուհիներ Ահհոտեպ I-ի ու Ահմոս Ինհապիի քույրը։ Ամուսնացել է իր խորթ եղբայր Սեկենենրե Տաայի հետ և ունեցել մեկ դուստր՝ արքայադուստր Ահմոսին[1]։ Նրա սարկոֆագի վրա գրված է, որ նա Տետիշերի թագուհու դուստրն է։ Հայտնի է նաև Սատիբու անունով[2]։

Տիտղոսներ[խմբագրել | խմբագրել կոդը]

Սիտջեհուտիի տիտղոսներից էին՝ «Արքայի կին», «Արքայի քույր», «Արքայի դուստր»։ Նա հիշատակվել է իր դստեր՝ Ահմոսի կայսրուհիների հովտում (QV47) հայտնաբերված մումիայի պատանքի վրա։ Ահմոսը համարվել է արքայի դուստր ու թագուհու քույր, որը վկայում է նրա՝ Սեկենենրե Տաայի և Սիտջեհուտիի դուստրը լինելու մասին[3]։

Մահ և հուղարկավորություն[խմբագրել | խմբագրել կոդը]

Սիտջեհուտիի մումիան հայտնաբերվել է մոտավորապես 1820 թվականին դագաղով, ոսկյա դիմակով, սրտաձև հմայագրով ու իր զարմուհու՝ թագուհի Ահմոս-Նեֆերտարիի կողմից տրամադրված քաթանով հանդերձ։ Քաթանի վրա գրված էր հետևյալ տեքստը՝

Տրված է ի պատիվ աստծո կնոջ, թագավորի կնոջ և թագավորի մոր՝ Ահմոս Նեֆերտարիի, կողմից, թող նա ապրի, Սատջեհուտիին[4]։

Սատջեհուտիի դագաղի կափարիչը այժմ պահվում է Մյունխենում, իսկ նրա թաղման դիմակը գտնվում է Բրիտանական թանգարանում (EA 29770)։

Ծանոթագրություններ[խմբագրել | խմբագրել կոդը]

  1. Dodson, Aidan and Hilton, Dyan. The Complete Royal Families of Ancient Egypt. Thames & Hudson. 2004. 0-500-05128-3
  2. Daniel Polz, Der Beginn des Neuen Reiches: zur Vorgeschichte einer Zeitenwende, Walter de Gruyter, 2007, p 350
  3. Grajetzki, Ancient Egyptian Queens: a hieroglyphic dictionary, 2005
  4. S. Quirke and J. Spencer, The British Museum Book of Egypt, pg 188-189

Արտաքին հղումներ[խմբագրել | խմբագրել կոդը]