Սինգապուրյան դոլար

Սինգապուրյան դորլլար Singapore dollarno Ringgit Singapurano 新加坡元no சிங்கப்பூர் வெள்ளிno
ISO 4217 կոդ	AMD
Երկիր	Սինգապուր
Պաշտոնական օգտագործում	Կաղապար:Դրոշավորում/Բրունե
Կազմված է	100 ցենտից
Նշան	S$ կամ $
Մետաղադրամներ	1, 5, 10, 20, 50 ցենտեր, 1 դոլար
Թղթադրամներ	2, 5, 10, 50, 100, 1000, 10 000 դոլար
1 USD	= 1,381 SGD AMD
1 EUR	= 1,576 SGD AMD
1 GBP	= 1,79 SGD AMD

Սինգապուրյան դոլար, Սինգապուրի ազգային արժույթը (ISO 4217 - SGD, խորհրդանիշ ` $ կամ S)։ Կազմում է 100 ցենտ։

Պատմություն

1845-1939 թվականներին Սինգապուրն օգտագործում էր Նեղուցների դոլարը։ Այնուհետև այն փոխարինվում է մալայական դոլարով, իսկ 1953 թվականին՝ Մալայայի և Բրիտանական Բորնեոյի դոլարով, որը թողարկվել է Մալայայի և Բրիտանական Բորնեոյի դրամական շրջանառության հարցերով զբաղվող խորհրդի կողմից։

1963 թվականին Մալայզիային միանալուց հետո Սինգապուրը շարունակեց օգտվել միասնական արժույթից։ Սակայն Մալազիայից անկախ հռչակվելուց երկու տարի հետո՝ 1965 թվականին, Մալազիայի, Սինգապուրի և Բուրենոյի միջև առկա դրամակրեդիտային միությունը փլուզվեց։ 1967 թվականի ապրիլի 7-ին Սինգապուրը հիմնեց արժութային գերատեսչություն և թողարկեց առաջին մետաղադրամները և թղթադրամները։ Սինգապուրի դոլարն անվանական գնով փոխարինվում էր մալազիական ռինգիտոյով մինչև 1973 թվականը։ Փոխադարձ փոխարինումը բրունեական դոլարով պահպանվեց։ Սինգապուրյան դոլարը սկզբում կապված էր բրիտանական ֆունտի հետ 60։7 հարաբերությամբ։

2002 թվականի հոկտեմբերի 1-ին Սինգապուրի արժույթային գերատեսչությունը լուծարվեց, և վերջինիս գործառույթները և պարտականությունները փոխանցվեցին Սինգապուրի ֆինանսների նախարարությանը։

Մանրադրամներ

1967 թվականին թողարկվում են առաջին մանրադրամները՝ 1, 5, 10, 20 և 50 ցենտեր և 1 դոլար։ Բացառությամբ բրոնզե 1 ցենտանոցից՝ մնացած բոլոր մետաղադրամները  պատրաստված էին պղնձանիկելային համաձուլվածքից։ 1985 թվականին  թողակվում է մետաղադրամների երկրորդ շարքը նույն անվանումներով։ Մետաղադրամների չափերը փոքրացվեցին, և 5 ցենտանոց մետադրամները պատրաստվեցին ալյումինային բրոնզից։ 1987 թվականին 1 դոլարի մետաղադրամը ավելի է փոքրացվում և սկսում է արտադրվել ալյումինային բրոնզից։

Ներկայումս Սինգապուրի մետաղադրամների դիմերեսին կարելի է տեսնել Սինգապուրի զինանշանը, իսկ դարձերեսին՝ ծաղկային կոմպոզիցիա։

Թղթադրամներ

1967 թվականի հունիսի 12-ին թողարկվեց թղթադրամների առաջին շարքը, որը հայտնի էր որպես «Խոլորձների շարք»։ Թողարկվեցին 1, 5, 10, 50, 100 և հազար դոլարանոց թղթադրամներ։ 25 և 500 անվանական արժեքով դոլարները շրջանառության մեջ են դրվել 1972 թվականի օգոստոսի 7-ին։ 1973 թվականի հունվարի 29-ին թողարկվեցին նաև 10000 դոլար անվանական արժեքով թղթադրամներ։

1976-1980 թվականներին շրջանառության մեջ դրվեցին թղթադրամներ, որոնք հայտնի են որպես «Թռչունների շարք»։ Այդ շարքում բացակայում էին 25 դոլար անվանական արժեքով թղթադրամները։ 20 դոլար անվանական արժեքով թղթադրամները թողարկվեցին 1979 թվականի օգոստոսի 6-ին։

1985-1989 թվականներին շրջանառության մեջ դրվեցին «Նավերի շարք» թղթադրամները նույն անվանական արժեքով, բացառությամբ 20 դոլարանոց թղթադրամի։ 1990 թվականին թողարվեց 2 դոլարանոց թղթադրամ։

1999 թվականին հրատարակվել է «Դիմանկարների շարքը» նույն անվանական արժեքով, բացառությամբ 500 դոլարանոց թղթադրամի։ Շարքը մինչ օրս շրջանառության մեջ է։

2014 թվականի հոկտեմբերի 1-ին դադարեցվել է 10000 դոլարանոց թղթադրամների թողարկումը։ Արդեն թողարկված թղթադրամները մնում են շրջանառության մեջ և շրջանառությունից կհանվեն բանկ հասնելու դեպքում։

Արտարժույթի փոխարժեքի ռեժիմ

Սինգապուրյան դոլարը ընդգրկված է այն արտարժույթների ցանկում, որոնց փոխարժեքը  սահմանվում է Ռուսաստանի Բանկի կողմից ամեն օր.։

Արտաքին հղումներ

• Денежно-кредитного управления Сингапура(անգլ.)
• Сингапурского монетного двора(անգլ.)
• Обиходные монеты Сингапура Արխիվացված 2011-11-17 Wayback Machine (рус)