Սիդոնի պաշարում

Վիքիպեդիայից՝ ազատ հանրագիտարանից
Սիդոնի պաշարում
Նորվեգական խաչակրաց արշավանք

Արքա Սիգուրդը և արքա Բալդուինը Երուսաղեմից դուրս են գալիս Հորդանան գետի ափ, Գ.Մունտե
Թվական 1110 թվական, հոկտեմբերի 19-դեկտեմբերի 5
Վայր Սիդոն (Լևանտ)
Արդյունք Խաչակիրների հաղթանակ
Տարածքային
փոփոխություններ
Սիդոնի իշխանության ձևավորում
Հակառակորդներ
Երուսաղեմի թագավորություն Երուսաղեմի թագավորություն
Նորվեգիա Նորվեգիայի Թագավորություն
Վենետիկի հանրապետություն Վենետիկի հանրապետություն
Ֆաթիմյան խալիֆայություն Ֆաթիմյան խալիֆայություն
Հրամանատարներ
Երուսաղեմի թագավորություն Բալդուին I
Նորվեգիա Սիգուրդ I Խաչակիր
Վենետիկի հանրապետություն Օրդելաֆո Ֆալյեր
Սիդոնի նահանգապետ[1]
Կողմերի ուժեր
նորվեգացիներ.
~ 5000, 60 նավ[2]

ֆրանկներ
~ բազմաթիվ ասպետներ և պաշարողական մեքենաներ վենետիկցիներ
~ նավատորմ[3]

ֆաթիմյաններ
~ հնարավոր է, միայն կայազորը
Ռազմական կորուստներ
անհայտ անհայտ

Սիդոնի պաշարում, 1110 թվականին Երուսաղեմի և Նորվեգիայի արքաներ Բալդուին I-ի և Սիգուրդ I Խաչակրի ուժերով (Վենետիկի դուքս Օրդելաֆո Ֆալյերի օժանդակությամբ) ափամերձ Սիդոն քաղաքի գրավումը։

Նախապատմություն[խմբագրել | խմբագրել կոդը]

Սիդոնի բերդը

1110 թվականի ամռանը 60 նավերից բաղկացած նորվեգական նավատորմը Սիգուրդ I արքայի հրամանատարությամբ ժամանեց Արևելյան Միջերկրական։ Աքքա քաղաքում նրան ընդունեց Երուսաղեմի արքա Բալդուին I-ը։ Նրանք երկուսով ձիերով զբոսանքի գնացին Հորդանան գետի ափի երկայնքով, որի ժամանակ Բալդուին I-ը օգնության համար դիմեց Սիգուրդ I-ին մուսուլմանաբնակ նավահանգիստները գրավելու համար։ Սիգուրդի պատասխանեց.

Մենք եկել ենք այստեղ, որպեսզի մեզ նվիրենք Քրիստոսին ծառայելուն։

Սակայն արդյունքում նորվեգացի թագավորը համաձայնեց օգնել գրավելու Սիդոն քաղաքը, որը 1098 թվականին ամրացվել էր Ֆաթիմյանների կողմից։

Պաշարում[խմբագրել | խմբագրել կոդը]

Բալդուին I-ի բանակը քաղաքը պաշարեց ցամաքից հենց այն պահին, երբ նորվեգացիները իրենց նավերը դուրս բերեցին ծով, որպեսզի արգելափակեն Սիդոնի նավահանգիստը։ Նավատորմն անհրաժեշտ էր, որպեսզի կանխեր Եգիպտոսից և Տյուրոսից բնակիչներին հասնող օգնությունը։ Սակայն, քաղաքը գրավել հաջողվեց միայն վենետիկյան նավատորմի ժամանումից հետո, 47 օրվա պաշարումից հետո։

Իսլանդացի սկալդ Էյնար Սկուլասոնը տալիս է այդ դեպքերի հետևյալ նկարագրությունը։

Sætt frá ek dœla dróttin,
drengr minnisk þess, vinna,
tóku hvast í hristar
hríð valslöngur ríða.
Sterkr braut váligt virki
vals munnlitaðr gunnar,
fögr ruðusk sverð en sigri
snjallr bragningr hlaut fagna.
Նորմանների թագավորը, սկալդերն են երգում,
Պաշարեց հեթանոսական քաղաք Սաետը.
Պաշարողական մեքենաները սարսափելի աղմուկով
Դիմաճակատներն ու տանիքները քարերով են կործանում։
Քաղաքային պարիսպը նույնպես երերում է, այն ընկնում է.
Նորմանները սևացած պարիսպները
Կարմիր գույնով ներկեցին։
Արքան հաղթեց, քաղաքն այժմ իր ձեռքերում է։

Հետևանքներ[խմբագրել | խմբագրել կոդը]

Բալդուին I-ի և Երուսաղեմի պատրիարք Իբելին Առլացու հրամանով, որպես երախտագիտություն ցուցաբերած օգնության, Սիգուրդ I-ը Սուրբ Խաչից մասունք ստացավ։

Սիդոնի՝ իշխանության կարգավիճակով կառավարումը հանձնվեց Եվստաքիոս դե Գրանյեին՝ հետագա Երուսաղեմի թագավորության գունդստաբլին։

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Ֆաթիմյանները հաճախ էին քաղաքը թողնում նահանգապետի պաշտպանության տակ։
  2. Store norske leksikon - Sigurd 1 Magnusson Jorsalfare – utdypning
  3. Նավատորմի թվաքանակն անհայտ է:.