Սիդե

Սիդե
Քաղաք
	Սիդե
	թուրքերեն՝ Side
Երկիր	Թուրքիա
Մարզ	Անթալիայի մարզ
ԲԾՄ	185 մետր
Խոսվող լեզուներ	թուրքերեն
Բնակչություն	11 000 մարդ (հունվարի 1, 2014)
Ազգային կազմ	թուրքեր
Ժամային գոտի	UTC+2, ամառը UTC+3
Հեռախոսային կոդ	+90 242
Փոստային դասիչ	07 330
	Սիդե Վիքիպահեստում

Սիդե (թուրքերեն՝ Side, հին հունարեն՝ Σίδη), քաղաք Թուրքիայի հարավարևմտյան մասում, Անթալիայի մարզում։ Գտնվում է Միջերկրական ծովի ափին։ Սիդեն ներկայումս հայտնի տուրիստական հանգստավայր է։ Այն գտնվում է Անթալիայից 75, իսկ Մանավգատից 15 կիլոմետր հեռավորության վրա^[1]։

Տեսարժան վայրեր[խմբագրել | խմբագրել կոդը]

Քաղաքը մշտապես գտնվել է վտանգի մեջ և շրջափակված է եղել պաշտպանական պարիսպներով, ինչպես ծովից, այնպես էլ ցամաքից։ Չնայած հաճախ տեղի ունեցող երկրաշարժերին, պաշտպանական պատերը և աշտարակները ցամաքի կողմից լավ են պահպանված։ Առավել վատ են պահպանվել ծովային հատվածի պարիսպները։ Արևելյան պարիսպների դարպասները քաղաքի գլխավոր անցումային դարպասներն են եղել։ Գլխավոր պարիսպների մոտ առկա է եղել աշտարակ։ Դարպասներից սկսվող ճանապարհը հասել է մինչև կենտրոնական հրապարակ, որը U տառի տեսք է ունեցել։ Անցնելով հրապարակով՝ կարելի էր մուտք գործել դեպի բուն քաղաք։ Երկրորդ փոքր դարպասները, որոնք պահպանվել են մինչ օրս, ունեն քառակուսի աշտարակներ։ Գլխավոր պողոտան, որը անցնում էր քաղաքով, հասնում է մինչև թերակղզու ծայր արևմուտք։