Jump to content

Սիգար Բասթարդ

Վիքիպեդիայից՝ ազատ հանրագիտարանից
Սիգար Բասթարդ
Քաղաքացիությունը  Մեծ Բրիտանիայի և Իռլանդիայի միացյալ թագավորություն
Ծննդյան ամսաթիվ հունվարի 25, 1854(1854-01-25)
Ծննդավայր Bow, London Borough of Tower Hamlets, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն
Մահվան ամսաթիվ մարտի 20, 1921(1921-03-20) (67 տարեկան)
Մահվան վայր Էպսոն, Սըրրի, Անգլիա, Մեծ Բրիտանիայի և Իռլանդիայի միացյալ թագավորություն
Դիրք հարձակվող

Սիգար Ռիչարդ Բասթարդ (հունվարի 25, 1854(1854-01-25), Bow, London Borough of Tower Hamlets, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն - մարտի 20, 1921(1921-03-20), Էպսոն, Սըրրի, Անգլիա, Մեծ Բրիտանիայի և Իռլանդիայի միացյալ թագավորություն), անգլիացի ֆուտբոլիստ, կրիկետ խաղացող և ֆուտբոլային մրցավար[1]։ Ծնվել է Չիգվելում, Էսեքս[2]։ Նա սիրողական հիմունքներով ֆուտբոլ է խաղացել երեք ակումբներում, ինչպես նաև մեկ անգամ խաղացել է Անգլիայի հավաքականում։ Բասթարդը նաև մարզային կրիկետ է խաղացել Էսեքսի շրջանային կրիկետի ակումբում և Մերիլեբոն կրիկետի ակումբում, իսկ մասնագիտությամբ եղել է իրավաբան։

Ֆուտբոլային կարիերա

[խմբագրել | խմբագրել կոդը]

Որպես ֆուտբոլիստ 1873-ից 1887 թվականներին խաղացել է լոնդոնյան «Ափթոն Պարկ» ակումբում։ Օգնել է թիմին հաղթել Լոնդոնի Գրանդ Գավաթի առաջին երկու մրցաշարերում (1883 և 1884 թվականներին): Խաղացել է նաև «Տրոյանս» և «Լեյթոն» ակումբներում[1][3]։ Որպես հյուր նա խաղացել է «Կորինտիան» ակումբում[1]։ Ֆուտբոլ խաղալուց բացի, Բաստարդը աշխատել է որպես ֆուտբոլային մրցավար[4]։ Մասնավորապես, Նա 1878 թվականի Անգլիայի գավաթի «Ուոնդերերս»-ի և «Ռոյալ Էնջինիրսի» միջև եզրափակիչ խաղի մրցավարն էր[4]։ Նա նաև 1879 թվականի հունվարի 18-ին եղել է Անգլիայի և Ուելսի ֆուտբոլային հավաքականների միջև առաջին խաղի մրցավարը[5]։ Որպես ֆուտբոլային մրցավար՝ նա «հարգվում էր երկրպագուների, խաղացողների և մյուս մրցավարների կողմից»[6]։ 1878 թվականի Անգլիայի գավաթի եզրափակիչը մրցավարելուց հետո նրան անվանեցին «Սուլիչի ասպետ»[7]։ 1880 թվականի մարտի 13-ին Բասթարդը նշեց իր միջազգային դեբյուտը Անգլիայի հավաքականի կազմում՝ մասնակցելով Շոտլանդիայի հավաքականի դեմ խաղին, որում անգլիացիները պարտվեցին 4։ 5 հաշվով[8][9]։ Դա Բասթարդի միակ խաղն էր Անգլիայի հավաքականի կազմում։ 1877-ից 1883 թվականներին Սիգար Բասթարդը նաև Անգլիայի Ֆուտբոլային միության կոմիտեի անդամ էր[7]։

Կրիկետի կարիերա

[խմբագրել | խմբագրել կոդը]

Բասթարդը նաև կրիկետ է խաղացել Էսեքսի շրջանի կրիկետի ակումբում 1881, 1882 և 1885 թվականներին, որտեղ նա կրիկետի միավորների քարտերում գրանցված էր որպես «Ս. Ռ. Բասթարդ»[10]։ Նա իր նորամուտը Էսեքսի կազմում նշեց Բրենթվուդի Օլդ Քաունթի Գրաունդ մարզադաշտում գտնվող Մերիլեբոն Քրիքեթ Քլաբի (MCC) դեմ խաղում, որտեղ նա դուրս մնաց խաղադաշտից իր առաջին խփած ինինգում մեկ հարվածի համար և ավելի ուշ նա հաղթական միավորներ վաստակեց՝ մտնելով խաղադաշտ երրորդ համարի ներքո, երեք միավոր չկորցնելով, երբ MCC-ն ստիպված եղավ հետևել դրանց[11]։ Բրենտվուդի «Օլդ Քաունթի Գրաունդ» մարզադաշտում «Էսեքսի» կազմում «Հերտֆորդշիր Քաունթի Քրիքեթ Քլաբ»-ի դեմ իր հաջորդ խաղում Բասթարդը կրկին դուրս մնաց խաղադաշտից՝ առաջին ինինգում խաղադաշտից դուրս մնալուց հետո[12]։ Բասթարդի հաջորդ խաղը Սաֆոլկ շրջանի կրիկետի ակումբի դեմ տեղի ունեցավ Իփսուիչի Պորտման Ռոուդ մարզադաշտում․ Նա կրկին հայտնվեց պարտվողի կողմում առաջին ինինգում՝ խաղից դուրս մնալուց հետո։ Սրա արդյունքում Բասթարդը ստացավ «թագավորի զույգ» (խաղացողի առջև դրված առաջին գնդակից կատարվում է զրո հեռացում), այն բանից հետո, երբ նա դուրս մնաց իր երկրորդ ինինգում[13]։ Դրանից հետո Բասթարդը երեք տարի չխաղաց «Էսեքսի» կազմում։ Նա 1885 թվականին հետ կանչվեց՝ Նորթհեմփթոնի «Ռեյսքորս Գրաունդ Պրոմենադ» մարզադաշտում Նորթհեմփթոնշիրի շրջանի կրիկետի ակումբի դեմ խաղալու։ Բասթարդը կրկին դուրս մնաց խաղադաշտից՝ մեկ միավոր վաստակելով իր առաջին ինինգում, բայց երկրորդ ինինգում վաստակեց ինը միավոր[14]։ Այնուհետև Բաստարդը դարձավ MCC-ի անդամ։ 1886 թվականին նա իր վերջին կրիկետի խաղը խաղաց MCC-ի կազմում իր հարազատ շրջանի դեմ՝ Լեյթոնի «Քաունթի Գրաունդ» մարզադաշտում։ Առաջին ինինգսում նա ինը խաղից դուրս չէր մնացել, իսկ վերջին ինինգսում նա դուրս մնաց մեկ միավորի համար[15]։ Նա նաև խաղացել է Մերիլեբոն կրիկետի ակումբում[16]։

Հանրաճանաչ մշակույթում

[խմբագրել | խմբագրել կոդը]

Անգլիական ֆուտբոլային մշակույթում կա տարածված կարծիք, որ իր անվան պատճառով Բասթարդը ոգեշնչման աղբյուր է հանդիսացել ֆուտբոլային «Ո՞վ է սևազգեստ բասթարդը» երգի համար, որը երգվում է «Առաջնորդիր ինձ, ո՛վ Դու Մեծ Փրկիչ» երգի մեղեդիով։ Այս երգը հաճախ են երգում անգլիացի երկրպագուները ֆուտբոլային մրցավարների հասցեին[17]։ Սակայն, քիչ հավանական է, որ երգը կապված է Սիգար Բասթարդի հետ. Բասթարդի մրցավարական պաշտոնավարման ընթացքում մրցավարների համազգեստի գույնը հաստատ հայտնի չէ, և մրցավարների հասցեին ուղղված ագրեսիվ վանկարկումները, ընդհանուր առմամբ, չեն օգտագործվել մինչև 1960-ականների սկիզբը՝ Սիգարի մահից շատ ժամանակ անց[18][19]։

Անձնական կյանք

[խմբագրել | խմբագրել կոդը]

Բասթարդը ծնվել է Չիգվելում՝ Ռիչարդ Բասթարդի և Ջոզեֆին Գրինի ընտանիքում[2]։ Նրա ընտանիքը բանվոր դասից էր. հայրը գարեջրի վաճառական էր[20]։ Բասթարդի ընտանիքը Էքսետերում կտորեղենի վաճառքով էր զբաղվում՝ «Սպիտակեղենի, վարագույրների և գարեջրի մեծածախ վաճառականներ» անվամբ, մինչև 1870 թվականը, երբ այն լուծարվում է ընտանիքի անդամների փոխադարձ համաձայնությամբ։ Խանութի կառավարումը դադարեցնելուց հետո ստեղծվում է «Սեգար Բասթարդ և ընկերություն» անունով իրավաբանական ընկերությունը, Բասթարդը վերապատրաստվում և ավելի ուշ սկսում է աշխատել որպես փաստաբան[3][21]։ Նրա հայտնի հաճախորդներից մեկը «Ashanti Goldfields Corporation»-ն էր[22]։ Բաստարդը նաև մի շարք հանքարդյունաբերական ընկերությունների խորհուրդների անդամ էր[23]։ 1884 թվականի հունիսին Ուեստ Հեմում Բասթարդն ամուսնանում է Գերտրուդ Լիթլվուդ Գարեթի հետ։ Նրանք ունենում են դուստր՝ Ֆլորենս Գարեթ Բասթարդ անունով[24]։ Բասթարդը հայտնի էր խաղամոլությամբ, նա նաև ձիարշավի երկրպագու էր և առաջին ֆուտբոլիստներից և մրցավարներից մեկն էր, որը մրցարշավային ձի ուներ[4]։ Նա մահացել է սրտի կաթվածից, 1921 թվականին, 67 տարեկան հասակում, Սուրեյի Էպսոմի երկաթուղային կայարանում։ Իր կտակում Բասթարդը կնոջը թողել է 11,000 ֆունտ ստեռլինգ (մոտավորապես 616,400 ֆունտ ստեռլինգ՝ 2023 թվականին)[1][24]։

Ծանոթագրություններ

[խմբագրել | խմբագրել կոդը]
  1. 1 2 3 4 «Segar Bastard» (անգլերեն). England Football Online. Արխիվացված օրիգինալից 2013 թ․ նոյեմբերի 4-ին. Վերցված է 2023 թ․ նոյեմբերի 25-ին.
  2. 1 2 «Family for Segar Richard Bastard». Community Trees. Արխիվացված է օրիգինալից 2014 թ․ մարտի 5-ին. Վերցված է 2014 թ․ մարտի 5-ին.
  3. 1 2 Hamersley, Peter. «Upton Park Football Club – Players: 1866 to 1887» (անգլերեն). East of London Family History Society. Արխիվացված է օրիգինալից 2007 թ․ հուլիսի 3-ին.
  4. 1 2 3 Simpson, Paul & Spiller, Ray Four Four Two: Football Intelligence. — London: Pan Books, 1997. — P. 50—51. — ISBN 0-330-34976-7
  5. ↑ «England: 1872—1880 matches» (անգլերեն). RSSSF. Արխիվացված օրիգինալից 2023 թ․ ապրիլի 19-ին. Վերցված է 2023 թ․ նոյեմբերի 25-ին.
  6. ↑ Ward, Andrew Football's Strangest Matches. — Robson, 2007. — ISBN 978-1-86105-292-6
  7. 1 2 «Clapton v London APSA» (PDF) (անգլերեն). Clapton FC. Արխիվացված է օրիգինալից (PDF) 2014 թ․ մարտի 5-ին.
  8. ↑ «England Match No. 10 - Scotland - 13 March 1880 - Match Summary and Report» (անգլերեն). England Football Online. Արխիվացված օրիգինալից 2023 թ․ սեպտեմբերի 1-ին. Վերցված է 2023 թ․ սեպտեմբերի 1-ին.
  9. ↑ «Match No. 10 - Saturday, 13th March 1880, 3:30pm. Scotland 5-4 England» (անգլերեն). Englandstats. Արխիվացված օրիգինալից 2023 թ․ սեպտեմբերի 1-ին. Վերցված է 2023 թ․ սեպտեմբերի 1-ին.
  10. ↑ «Segar Bastard». Cricket Archive. 1921 թ․ մարտի 20. Արխիվացված է օրիգինալից 2014 թ․ մարտի 2-ին. Վերցված է 2014 թ․ փետրվարի 27-ին.
  11. ↑ «Essex v Marylebone Cricket Club». Cricket Archive. Վերցված է 2014 թ․ փետրվարի 27-ին.
  12. ↑ «Essex v Hertfordshire». Cricket Archive. Վերցված է 2014 թ․ փետրվարի 27-ին.
  13. ↑ «Suffolk v Essex». Cricket Archive. Վերցված է 2014 թ․ փետրվարի 27-ին.
  14. ↑ «Northamptonshire v Essex». Cricket Archive. Վերցված է 2014 թ․ փետրվարի 27-ին.
  15. ↑ «Suffolk v Essex». Cricket Archive. Վերցված է 2014 թ․ փետրվարի 27-ին.
  16. ↑ «Segar Bastard» (անգլերեն). Cricket Archive. 1921 թ․ մարտի 20. Արխիվացված է օրիգինալից 2014 թ․ մարտի 2-ին.
  17. ↑ «Funny Football Player Names» (անգլերեն). Soccerlens. 2008 թ․ դեկտեմբերի 13. Արխիվացված օրիգինալից 2023 թ․ նոյեմբերի 25-ին. Վերցված է 2023 թ․ նոյեմբերի 25-ին.
  18. ↑ «Right up the sausage roll» (անգլերեն). Chronicle Live. 2004 թ․ սեպտեմբերի 14. Արխիվացված է օրիգինալից 2014 թ․ մարտի 3-ին.
  19. ↑ Mortimer, Gavin A History of Football in 100 Objects. — Profile Books, 2012. — ISBN 978-1-84765-905-7
  20. ↑ «3004A». National Archives. Վերցված է 2014 թ․ մարտի 5-ին.
  21. ↑ «966» (PDF). The London Gazette. Վերցված է 2014 թ․ փետրվարի 27-ին.
  22. ↑ Skinner, Walter (1919). The Mining Manual and Mining Year Book. Financial Times. էջ 610.
  23. ↑ Skinner, W.R. (1909). Mining Yearbook. University of North Carolina. էջ 1085.
  24. 1 2 «Segar Bastard». England Football Online. Վերցված է 2014 թ․ փետրվարի 27-ին.

Հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Սիգար_Բասթարդ&oldid=10674550» էջից